【餵飽化骨龍】陳倩揚5:30am整早餐 5個食譜10分鐘搞掂

三孩之母、前港姐陳倩揚着重健康,不時在社交平台分享自製美食。隨着小朋友復課,身為媽媽的她要清晨5點半起身整早餐餵飽「小小化骨龍」,她介紹了幾款十分鐘簡便早餐,爸媽們可以參考,唔使小朋友朝朝在街外買麵包或腸粉燒賣當早餐。

陳倩揚喜歡下廚。(圖片:陳倩揚Facebook)
陳倩揚喜歡下廚。(圖片:陳倩揚Facebook)

家中冇工人 早餐自己動手做

陳倩揚透露家中沒有工人,早餐靠她一手一腳準備,「我通常2點先有得瞓,0530起身,如果朝早無工作可以補眠兩個鐘左右。而家無工人姐姐,我會諗定朝早早餐食咩,夜晚可以準備到嘅都喺煮晚餐時順便準備埋,或者臨瞓前整定,例如wafflemixture可以前一晚mix定,朝早一開機就有得整,咁會快好多。」至於小朋友就早上6點起身、刷牙、梳洗、換校服、做快測,6點40分前食完出門口。

雖然陳倩揚每朝早起身,但佢就話:「佢哋朝朝都期待有咩食,見佢哋食得開心幾眼瞓都起身煮。」

一齊睇下陳倩揚其中5個健康又美味食譜。

早餐1:流心蛋日式炒烏冬


材料:蛋、豚肉片、椰菜、洋蔥、烏冬

醬汁:白高湯、生抽、味琳、麻油


步驟:

.水滾計落蛋煲6分半鐘,沖水再浸冰水5分鐘

豚肉片前一晚解凍備用

椰菜絲洋蔥絲前一晚洗切好

朝早一埋位就可以炒

想再快啲直接煎蛋都ok

早餐2:芝心蛋多士+穀物乳酪碗

穀物乳酪碗材料:希臘乳酪、香蕉、杞子、果仁、種籽類、無添加穀物

芝心蛋多士材料:麵包、芝士、蛋

步驟:

.麵包用煎pan煎一煎

.麵包印一個圓形,在圓圈位置打蛋

.跟手吸返cut 出黎塊圓形包落去塊包度,煎一陣可反面,面加芝士,再反面煎一陣就可以上碟

早餐3:豆腐海帶味噌湯 +蘋果薯仔沙律

豆腐海帶味噌湯材料:即食味噌湯、豆腐、海帶芽、木魚碎、醬油蛋/麻藥蛋

步驟:

.煲熱味噌湯,之後加豆腐

.後加海帶芽、木魚碎、醬油蛋/麻藥蛋

沙律材料:蘋果、薯仔、沙律菜、豆、車厘茹、沙律醬

步驟:

.早一晚拌勻蘋果、薯仔沙律醬

.第二朝加埋沙律菜、豆、車厘茹等擺盤就食得

早餐4:芝士蛋排包Panini+朱古力燕麥奶

材料:喜愛嘅麵包、芝士、蛋、沙律菜、蕃茄、牛油

步驟:

.用窩夫機烘烤麵包

.之後加入其他材料

陳倩揚貼士:「芝士可選刨碎巴馬臣、車打芝士,有時為方便會買片裝,有時間就用一舊再刨碎。」

早餐5 : 滑蛋芝腿治烘底+藍莓+牛奶

材料:較低脂低納火雞片或火腿片、麵包、芝士、蛋

步驟:

.窩夫機烘烤麵包

.之後加入其他材料

陳倩揚在網上開live分食譜和做法,例如麻藥蛋、無麵粉Pizza、自家煮冬蔭功湯等等,有興趣的家長可留意她的Facebook專頁

《親子頭條》多元化介面方便家長接收最新育兒資訊
讚好《親子頭條》Facebook 專頁

追蹤《親子頭條》Instagram

登記成為《親子頭條》會員

想追蹤更多最新最好的親子資訊?請瀏覽我們 親子頭條專頁

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能