首位港產AV女優素海霖 處女作今日面世即登Amazon銷量冠軍 抽水叫「局長」睇完留言

KOL素海霖以「繪麗奈」之名成功打入日本AV界，成為首位港產女優，人氣立即爆燈。素海霖拍AV嘅消息公布後，曾經有人偽造假新聞，冒認文化體育及旅遊局局長楊潤雄出信恭賀佢。而早前楊潤雄局長出席公開活動時被人問起呢件事，都變得口窒窒，唔知應該稱呼素海霖係AV「演員」定係「女郎」。

而素海霖嘅處女作已經喺今日（31日）面世，梗係唔少得喺社交平台拍片宣傳。而素海霖就用之前嘅假新聞抽水，同「局長」打招呼。「Hello局長，你好，我係繪麗奈，亦都可以稱呼我做Erena，我係AV女優，唔係女郎呀。如果想認識我多啲，我第一套戲31號就面世喇，睇完可以留言畀我，批評或者鼓勵都可以，唔需要出信㗎！」。

繪麗奈嘅首套AV今日已經打上電商平台AmazonAV銷量榜冠亞軍，十分厲害。

而素海霖今朝出咗個IG Story話「好大可能會舉行簽名會」。再睇埋佢個IG已經有近20萬人follow，拍得住唔少明星，已經當贏！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！