首度開腔 認不雅片主角 吳偉豪被嘲「小器」:冇放喺心!

·2 分鐘文章
吳偉豪終於現身,談及不雅片的事大多不作回應。
吳偉豪終於現身,談及不雅片的事大多不作回應。

「朱凌凌」吳偉豪自上月捲入自慰片風波後一直「潛水」,昨日終於在劇集宣傳活動中蒲頭,直認是片段主角,雖然後悔當日拍片,但事件未有影響心情,更揚言未有把網民評論下體Size一事放在心上。

藝人吳偉豪、呂慧儀、葉蒨文、劉丹、許家傑及袁文傑等,昨日出席無綫處境劇《愛.回家之開心速遞》宣傳,期間宣布該劇再添180集,正式衝破1,400集。而憑「朱凌凌」一角而人氣急升的吳偉豪,上月捲入自慰片風波後首度現身,與劇中的「島大」同學一起出場,見他與眾人有講有笑,明顯心情不錯。

活動後吳偉豪受訪,指事件曝光後也有繼續開工,被問到為何片段會流出?他說:「交咗畀警方處理,唔方便討論。呢條片係我嚟,其他嘢唔回應。(有冇影響心情?)都冇。(家人有冇鬧你?)冇,都想多謝番呢段時間支持我嘅家人、同事、朋友同Fans。(點解你會拍呢段片?)都唔方便回應。」被問到可有後悔拍了這段片,他說:「都覺得唔應該做。(怕唔怕影響形象?)都唔會,多謝公司體諒。(網上留言比較差,自己會唔會唔開心?)都唔會被影響到,都要專注工作。(網友批評你『身體』嘅size,有冇唔開心?)冇放喺心度!(驚唔驚有其他片段?)唔方便回應。(條片係前女友放出嚟?)大家諗多咗,交咗畀警方,唔方便回應。」

呂慧儀唔夠「心機」

而許家傑和袁文傑均鼓勵吳偉豪,認為私人事自己會處理,相信他經一事長一智,最重要是專注工作。至於對上兩屆的落選港姐拍片爆「心機女」佳麗出陰招,身為師姐的呂慧儀笑說:「我當年咪唔夠心機囉!其實唔好諗得咁複雜,最重要係享受過程同有自信心。」

吳偉豪樂做箭靶,玩得相當投入,可見已走出陰霾。
吳偉豪樂做箭靶,玩得相當投入,可見已走出陰霾。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能