首次擔正無綫劇《天命》|譚俊彥孖狄龍大晒父子情
狄龍(原名譚富榮)兒子譚俊彥子承父業同樣都係做演員,但一直被指知名度不及狄龍,不過,自前年佢加入無綫,即套套劇都孭重飛,一連主演《天命》、《特技人》、《包青天之再起風雲》等劇,其中《天命》安排於下周一(6月25日)開播!譚俊彥在劇中拍住視帝陳展鵬,飾演「嘉慶帝」,入唔入到屋就睇呢鋪,梗係要爭取多啲曝光率做宣傳,日前譚俊彥就孖住爸爸狄龍一齊拍攝父親節特輯《爸爸的告白》,狂晒父子情!
延伸閱讀:
譚俊彥 《天命》做皇帝
譚俊彥在新劇《天命》飾演「嘉慶帝」,將會同陳展鵬飾演嘅「和坤」展開一場生死惡鬥。
《天命》分別於北京及橫店拍攝外景,風格嚴肅悲情,別開一格。
入行18年
現年37歲嘅譚俊彥自2000年加入爾冬陞旗下入行,拍咗套梅䒐芳主演嘅《慌心假期》,之後拍過《男人四十》、《少年阿虎》等電影,都只係做大茄。
03年譚俊彥轉戰內地,拍過林峯主演嘅古裝劇《陸小鳳與花滿樓》,以及劉愷威主演嘅《抓住彩虹的男人》等,但大家提起佢,仍然只記得係「狄龍個仔」。
2015年,譚俊彥內地女演員任祉妍,同年誕下大女譚晴(Renee),去年再誕細仔譚杺(Rex),湊夠一個「好」字。
Shaun Tam(@tammerz)分享的貼文 於 PST 2018 年 1月 月 2 日 上午 3:54 張貼
狄龍都有幫手湊寶貝孫!
Shaun Tam(@tammerz)分享的貼文 於 PST 2018 年 1月 月 6 日 下午 10:52 張貼
為家人回流香港
2016年譚俊彥由內地回流香港,簽約無綫做親生仔,佢話最大原因係想有更多時間陪屋企人:「我想陪多啲家人,尤其個女(譚晴),嗰陣(2015年)佢出世冇耐,我就即刻去咗開工,覺得欠咗佢哋好多,同埋我個女喺香港出世,所以想多啲時間喺香港,呢度就算我開到幾點,我都可以攬住佢,同佢哋多咗相處時間,呢樣係大陸拍劇,就算幾多錢都賺唔到。」
Shaun Tam(@tammerz)分享的貼文 於 PST 2017 年 11月 月 9 日 上午 3:52 張貼
百厭仔被罰困狗籠
上周日(6月17日)趁住父親節,譚俊彥孖父親狄龍上節目《爸爸的告白》互訴父子情,講到小時候譚俊彥因太百厭被狄龍罰困狗籠,譚俊彥話當年佢同隻都柏文困埋一齊,驚到發燒,而狄龍就指呢件事亦係佢心中嘅一道疤痕,更向譚俊彥道歉謂︰「係爸爸唔啱!其實我後來都了解到用呢類壓力式方法去改變一個人,只會令佢驚,但唔會令佢了解到事情嘅真相。」兩父子借機冰釋前嫌。
譚俊彥仲喺節目中親自下廚,為老婆同一對仔女煮牛扒同麵食做晚餐,十足住家好男人!
余香凝偷食致分手? 陳家樂含淚認情已逝…
激罕童年照曝光 《深宮計》陳煒 細個勁似㗎妹!
前夫拋棄 獨力養大三子女 薛家燕娶新抱:等咗呢一日好耐
延伸閱讀: