首演舞台劇 每日排練12小時 姜卓文磨練演技 望叻過爸爸姜大衛

【星島日報報道】姜大衛孻仔姜卓文（細John）將為舞台劇《香港生死書》演出8場，首次演舞台劇的細John坦言緊張，閉關每日排練長達12小時。對於被指傳承了爸爸的演技，細John笑指當然希望叻過爸爸。

文：娛樂組

姜卓文（細John）與兩位師姐林宣妤（Serene）及蘇子情（Gabriella）在經理人鄭嫦青（Maria）穿針引線下，獲得參演舞台劇《香港生死書》的機會。《香》劇於周六（9月4日）假文化中心公演，由知名文化人胡恩威擔任導演、編劇及設計，故事以A至Z的26個英文字母進行創作，包含26個香港人與動物的生死故事。為應付8場演出，細John、Serene、Gabriella閉關排練每日排足12個小時。

第一次就擔正男主角

細John早前與爸爸姜大衛以父子檔合作拍攝短片《離不開的牛雜麵》大獲好評，被指傳承了爸爸的演技。首次做舞台劇，細John既期待又緊張，他表示：「始終第一次做舞台劇，要面對咁大個舞台，之前拍戲習慣有得剪接，可以NG重拍，舞台劇無得NG，要一Take過最完美的演出，所以真係會緊張，經過連日來的排練，做足準備後就開始有信心會做得好。」爸爸姜大衛只客串過一兩次舞台劇，自己卻第一次上台就做主角，問到細John會否想在舞台劇方面超越爸爸？他笑言：「我當然希望喺做舞台劇方面可以叻過佢，所以我要更加努力，希望得到觀眾的認同。」

而同樣首次演舞台劇的林宣妤反而不太緊張，她說：「因為好多人一齊做，感覺上無咁大壓力，之前上 一些堂，學放鬆自己，真係好有用，成功解決上台前的焦慮，可以好自然放鬆地演出。」她更為自己唱的歌首度嘗試填詞。

■細John、Gabriella、Serene主演胡恩威執導、編劇及設計的舞台劇《香港生死書》。

■細John在經理人鄭嫦青（左二）的穿針引線下獲得今次演出機會，與師姐林宣妤（右二）、蘇子情（左一）攜手上舞台。

■細John傳承爸爸姜大衛演技，更希望在舞台劇方面叻過對方。圖為一家三口合照。

■細John首次演舞台劇，就擔正男主角。

■林宣妤亦是首次演舞台劇，自言不會緊張。

■蘇子情集演、編、製於一身，頗有才華。

■細John每日為舞台劇排練12小時。

■眾人均非常重視今次的演出。

娛樂