香港人愈來愈高?

·2 分鐘文章

其實,我唔知我係咪觀察力強,我一直有個疑問:你哋覺唔覺得香港人愈來愈高?即係咁,問自己,你高啲定你阿爸阿媽高啲?出親街只要好奇細心一點,總發現現今一代比上一代(即係後生仔通常比老豆老母高!)於是,我認真上網找資料,我的觀察是對的。(俾個like自己)


你又知唔知姜濤幾高?1.77米。

高,因為幸福
根據慕尼黑大學(University of Munich)經濟史榮休教授John Komlos研究,在大多發達國家如英國、美國、日本等,人類平均身高增加了多達10厘米,即係話,在發達國家的人是愈來愈高的。於是,科學家又嘗試去搵吓原因,發覺原來人體身高的變化和兩樣嘢好有關係:飲食同疾病。

呢兩個因素對兒童成長有莫大關係,如果孩童時期食唔飽或者因疾病導致營養不能吸收,會大大影響一個人的身高!

所以近十幾年當發達國家如日本、英國、美國人的生活條件越來越好,人們的身高在統計上的確有顯著的增長。原來高,係因為幸福。


呢位女藝人的Elizabeth Debicki高過哂所有男演員,唔知邊個?睇過《Tenet》就知啦。1.9米。


歷史上,最高的人是他:Robert Wadlow。2.72米!

荷蘭人最高
咁我又會問,香港人又點?

根據去年權威雜誌《刺針》的大型研究,香港19 歲男性平均身高約為 174.8 厘米(問一問自己有幾高?),比 1985 年的平均 169.7 厘米高約 5.1 厘米,全球身高排名上升至第 76 位。

而香港 19 歲女性平均身高則由 1985 年的 157.4 厘米上升至最新平均約 160.6 厘米,全球排名由 130 位升至 101 位,即係話在過去 35年增加約 3.2 厘米。

而如果以全世界去看,發現以 19 歲男性來說荷蘭人最高,平均身高 183.8 厘米,最矮的則是東帝汶男性,平均身高160厘米,相差達 23.8 厘米之高。研究認為這種差異正是由營養攝取量不同所引起。

講咁多,無非想話我自己目測的原來係事實。不過雖然高係型仔型女,但係,千祈唔好因為生得矮而自卑。講到底,人品最重要嘛。

撰文:J.
網上圖片