香港催淚彈產地直擊 原來係家族生意 工人手製彈藥極危險

·2 分鐘文章

 

香港近月多宗示威,警方之前公布數字,表示已經發射1800枚催淚彈。   有示威者將催淚彈殼影低放上網,引來地球另一端、網媒BuzzFeed記者嘅興趣︰上面印住一間叫Nonlethal Technologies嘅公司名,位於賓夕法尼亞洲。到底係個點嘅地方?催淚彈係點整?記者就決定去到廠房了解一下。由於負責人拒絕受訪,記者從前員工、媒體報導以及法庭文件,一窺催淚彈是怎樣煉成的。

Nonlethal Technologies原來係家族生意,至少經營三代,而家由一對父子營運。公司加埋唔夠30人,但係一年營業額有8百萬美金。工作多年嘅前員工話,工廠設備簡陋,機器老化,至少發生過3次大火,燒完之後老闆唔肯起過個新廠房。仲有好多無報警嘅小火,負責人之一就因為意外,雙手被嚴重燒傷。而且防護設備欠奉,工人皮膚及呼吸道經常受刺激,尤其是喺夏天,飄散嘅化學品撈埋啲汗,會「乸」到皮膚見紅。有打過工嘅人話,無論做咗幾耐,都覺得難以忍受。勞工部曾經派人調查仲罰埋錢,不過情況冇改善。   另外生產過程都好唔安全,工人話平時要徒手接觸具爆炸性化學品,有專家聽完就話呢類工序應該要自動化,由機械人處理先合符標準。   工人每日返成10個半鐘,早上6點半開工下晝5點收工,但係人工只有$9.5美金(港幣約75元),唔算高薪。工序刻板又多毛病都有好多人繼續做,都係貪公司一個禮拜出一次糧,而且附近嘅城鎮失業率相當高。   除咗生產供應俾香港警方嘅催淚彈,Nonlethal Technologies亦有出貨畀埃及、巴林同土耳其。幾年前「阿拉伯之春」民主運動爆發,就試過接到order,生產20萬發催淚彈。   點使用催淚彈固然要關注,但係點解美國又可以容許呢間咁罔顧安全嘅工廠存在?原文傳送門

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能