【香港好去處】萬聖節活動Last call 一日遊行程：睡衣派對+晚市套餐+喵派對

聽日就係萬聖節，大家諗好去邊到玩未呢？適逢今年萬聖節係周六，大家可以Plan一個一日行程，由早玩到晚，感受節日氣氛。今次介紹的萬聖節一日遊行程，景點主要集中於銅鑼灣至中上環一帶，既會體驗密室解密遊戲，再參加各式各樣的萬聖節派對，保證感受到萬聖節氣氛。

01：密室解密遊戲 破解關卡

下午先到位於銅鑼灣白沙道的「迷の密失」，嘗試真實的密室解密遊戲。場內超過二千呎，設有7個不同的主題房，難度各有不同，好似最簡單的復活節島，最高難度的所羅門之鑰等，全部由真實歷史故事或新聞改篇，結合高科技特效，比大家動動腦筋，係45分鐘內破解不同關卡，適合一大班朋友挑戰。

「迷の密失」
網址: 按這裡

02：萬聖喵派對 5米巨型吹氣公仔打卡

從銅鑼灣坐叮叮到利東街，由即日起至11月15日香港愛護動物協會（SPCA）同利東街合作舉行「情尋貓貓節」，除了放有5米巨型吹氣貓貓公仔，亦會舉行「尋找街貓遊戲」及「周日喵喵市集」售類貓狗口罩、手作及貓貓用品義賣等，而10月31日萬聖節下午6時至9時會舉行「萬聖喵派對」，大家只要以「喵喵」裝扮在場拍照，並 hashtag SPCAHK，即有機會競逐最佳造型獎，得獎者可獲得限量版「巨喵Cushion」一個。最重要係活動的部分收益會撥捐 SPCA，將用於街貓福利工作。

「情尋貓貓節」
網址: 按這裡

03：每位$398 萬聖節晚市套餐

玩足成日係時候醫肚。來到以60年代香港為背景的潮吧李好味，李好味於10月31日舉行萬聖節派對，特別推出晚市套餐，每位$398，有李小龍蝦、金蝦脫殼等招牌菜式，亦可享「友」啤酒買一送一，同樣會有三小時 DJ 表演以及不同的萬聖節紋身貼紙任揀任貼，氣氛一流。

李好味
網址: 按這裡

04：中環睡衣派對 任飲各類美酒

萬聖節行程最後一程，來一個睡衣Halloween Party! 今年7月開業、面積超過1,300呎的The Daily Tot，於10月31日舉行首個萬聖節睡衣派對「Sleepless in Havana Halloween Party」，大家可以不妨穿上最嚇人、最靚的睡衣造型參加派對，每位$550起，可任飲紅白酒、Prosecco、啤酒、兩款Rum酒雞尾酒等，以酒精提升節日氣氛。

The Daily Tot
網址: 按這裡

Yahoo 請大家去Staycation！
由即日起至11月8日，Yahoo APP會員發揮創意答問題，即有機會贏取JW萬豪酒店、The Mira、萬麗酒店、One Eight One Hotel以及半島酒店住宿套餐，免費享用五星級酒店Staycation！

接此即睇點參加

按此下載Yahoo APP成為Yahoo Rewards會員