香港小姐2021｜真人騷節目昨首播 被指與《全民造星》按燈搶人好相似

無綫年度選美盛事《香港小姐競選》準決賽及決賽分別將於8月22日及9月12日舉行，今年大會以「WE MISS HONG KONG」作為主題，破天荒改以真人騷方式進行，更邀得慧妍雅集合作，由8位港姐級導師擔任分組導師教授及向佳麗們分享心得。喺噚晚以真人騷形式拍攝嘅節目《We Miss Hong Kong STAY-cation晉級賽》首播，不過佢哋嘅分組形式就被網民認為同ViuTV嘅《全民造星》好相似。

《We Miss Hong Kong STAY-cation晉級賽》安排28位佳麗入住一間西貢嘅新酒店，並搵嚟張嘉兒與馮盈盈、向海嵐與朱晨麗、曹敏莉與何依婷、劉倩婷與張秀文作為港姐級導師，將一班佳麗分成四組參與為期10日嘅「Stay Battle」，力爭晉級資格。話明要分組Battle，咁第一集當然就係導師搶心儀佳麗入組啦！節目組安排佳麗們以20分鐘時間變裝，主持陳凱琳就會讀出佳麗獨一無二嘅Hashtag，然後出場佳麗就要行Catwalk進行自我介紹，等港姐導師以按燈方式選擇心儀佳麗，而冇被導師揀選嘅佳麗就要進入危險區。

節目未出街前，唔少網民已經對真人騷方式及新規矩冇咩期望，睇完首集後更發現節目與《全民造星》按燈搶人好相似。另外，有網民認為節目欠缺追看性，因為一早已經知道邊位會被淘汰。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！