《香港愛情故事》游嘉欣獲網民關注 盤點娛樂圈7個靚女「嘉欣」

·4 分鐘文章
《香港愛情故事》游嘉欣獲網民關注 盤點娛樂圈7個靚女「嘉欣」
《香港愛情故事》游嘉欣獲網民關注 盤點娛樂圈7個靚女「嘉欣」

無綫新劇《香港愛情故事》搵咗唔少年輕演員演出,當中包括只有20歲嘅游嘉欣(Kayan),佢年紀輕輕又靚女,啲網民仲話佢可愛同笑容好燦爛。啲人成日話叫「嘉欣」都係靚女,咁啱佢又係叫嘉欣喎!香港娛樂圈真係有好多靚女「嘉欣」,不如而家就同大家數一數啦!

游嘉欣
游嘉欣(Kayan)就讀城市大學嘅管理學系,以KOL身份入行。雖然佢入行時間好短,但已經有唔少演出機會,除咗擔任《#後生仔傾吓偈》主持及做《天天開運王》嘉賓之外,佢亦開始參與劇集拍攝,例如《香港愛情故事》、《使徒行者3》及《刑偵日記》。佢喺《香港愛情故事》飾演羅天宇細妹陳子婷,係一個品學兼優嘅大學女神,喺噚晚嗰集佢仲同大學同學徐浩楠(徐文浩飾)正式拍拖。

游嘉欣
游嘉欣
游嘉欣
游嘉欣

李嘉欣
有「大美人」之稱嘅李嘉欣係中葡混血兒,1988年參選港姐獲得冠軍,入行後有唔少追求者。08年李嘉欣與富商許晉亨結婚,11年誕下囝囝Jayden,就算今年已經「入五」,但佢保養有方,至今依然風韻猶存。

李嘉欣
李嘉欣
李嘉欣
李嘉欣

鍾嘉欣
鍾嘉欣(Linda)係2004年華姐冠軍,入行後即被無綫力捧,更被網民捧為女神。鍾嘉欣BB多年嚟參與多套劇集拍攝,例如《皆大歡喜》、《法證先鋒》、《溏心風暴》及《珠光寶氣》等等,成為當家花旦,事業一帆風順。自從佢喺2015年結婚生子後,已經甚少參與幕前工作,專心照顧家庭。直至今年,佢由加拿大返香港接拍劇集《兒科醫生》,真係好期待佢嘅復出之作呀!

鍾嘉欣
鍾嘉欣
鍾嘉欣
鍾嘉欣

林嘉欣
入行多年嘅林嘉欣(Karena),電影發展可以話係順風順水,憑處女作《男人四十》橫掃多個電影獎項。雖然佢已經成為人妻,但佢魅力不減,至今依然係唔少人心目中嘅甜笑女神。

林嘉欣
林嘉欣
林嘉欣
林嘉欣

龔嘉欣
唔經唔覺已經入行12年嘅龔嘉欣(Katy),以往經常飾演妹妹及少女角色,近年佢嘅戲路越嚟越廣,演技備受肯定,好似憑《幕後玩家》飾演賢妻良母程思汝奪得「最佳女配角」。而今年觀眾有機會睇到更多變化嘅龔嘉欣,繼《大醬園》不擇手段嘅細么及《殺手》冷酷嘅Dark Angel後,佢今次喺新劇《香港愛情故事》飾演正宗港女Katy,成為今年視后大熱人選之一。

龔嘉欣
龔嘉欣
龔嘉欣
龔嘉欣

鄭嘉欣
有「港版石原里美」之稱嘅鄭嘉欣(Christine)係太陽娛樂旗下藝人,因想圓唱歌夢而參加《全民造星3》,憑住出眾外貌及高挑身形備受矚目。喺參加節目時,Christine深得一班男工作人員及網民喜愛,但可惜已經被淘汰。除咗參加《全民造星3》之外,佢早前已經為網劇《把砒霜留給自己》開工,同時亦有廣告及同公司傾緊出歌嘅事。睇嚟大家可以喺唔同渠道見到Christine啦!

鄭嘉欣
鄭嘉欣
鄭嘉欣
鄭嘉欣

蔡嘉欣
蔡嘉欣(Kayan)上年以KOL身份參選港姐,可惜大熱倒灶,只獲得「最迷人豐盈美唇大獎」。加入無綫後,佢比同屆佳麗有更多演出機會,除咗為節目《眼睛去旅行》及《姊妹淘》擔任主持之外,佢亦有機會拍接劇集《飛虎3壯志英雄》及《智能愛(AI)人》等等,明顯備受力捧。

蔡嘉欣
蔡嘉欣
蔡嘉欣
蔡嘉欣

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能