【香港行山】大嶼山鳳凰徑十一段 半天遊觀景海天一色美景

Yahoo 旅遊
【香港行山】大嶼山鳳凰徑十一段 半天遊觀景海天一色美景
【香港行山】大嶼山鳳凰徑十一段 半天遊觀景海天一色美景

行山好多時未必會挑戰好高難度,旨在做下運動郁動一下,有時大家反而想去多啲冷門僻靜地方,不過與此同時,僻靜地方係咪代表偏遠到交通都無呢?又唔一定嘅,今日介紹呢條冷門僻靜又易行又有靚景嘅路線,尚算交通方便,於巴士站落車就行得。呢條就係位於大嶼山鳳凰徑10、11段,由長沙引水道開始一條直條走去石壁水塘。

出發:東涌巴士站坐車

要行大嶼山可能好多人都知,因為屬禁區,除非有禁區紙否則唔可駕車進入。要去的話大家先去東涌,補給糧水或食個飯之後,可以於東涌巴士總站乘坐11/11A/23/3M都可以,直接於「長沙引水道」站落車就可以,車程約15分左右,落車後要過對面馬路,再走落下面引水道,唔好傻乎乎咁行車路去呀。

出發:東涌巴士站坐車
出發:東涌巴士站坐車

鳳凰徑11段開始

落車後就進入鳳凰徑11地段,之後基本上一條直路往前行,沿住引水道旁嘅行人路走,基本上全程平路,而且鮮有車輛經過,大約行15分鐘左右就會見到長沙配水庫及濾水廠,不過並非我哋此行嘅目的地,大可影下相飲啖水休息下就離開。再走一段路左手邊嘅景色就豁然開朗,可以遠眺幾個海灘及海景,包括南貝澳、長沙、塘福,仲有陣陣海風吹送,賞心悅目!

鳳凰徑11段開始
鳳凰徑11段開始

直入嶼南道賞石壁水塘景

沿路繼續前行,就會進入鳳凰徑10段,一直都係石屎路,非常易行,大約行1.5小時之後就會前景開朗起來,因為已經到達石壁水塘入口,呢度亦係唔少電影電視取景地,右手邊為水塘,左手則為一個山坡,坡下為石壁監獄,遠處則為大浪灣及東灣海景。

直入嶼南道賞石壁水塘景
直入嶼南道賞石壁水塘景
直入嶼南道賞石壁水塘景
直入嶼南道賞石壁水塘景

石壁水塘背景

大家一定細細個都聽過石壁水塘,其實石壁水塘於1963興建,為全港第三大儲水量水塘,僅次於萬宜及船灣淡水湖,三面環山,東面有一觀景台可以走上去觀賞水塘全景。同好多地方嘅水壩、水塘一樣,當年興建石壁時,此處亦有唔少村莊及民居,為建水塘,不得不遷離故居,當年多條漁村包括石壁大村、墳背村、崗貝村、坑仔村,都已沉於水塘之底,令人唏噓。

石壁水塘背景
石壁水塘背景

終點:石壁水塘休憩公園

一路沿住水塘行,欣賞水塘及海景,就會到達此行終點「石壁水塘休憩公園」,呢度有一個特大草地,有野餐餐枱櫈,可以休息食下嘢,最後落返下面馬路羌山道,於「沙嘴」站坐巴士出返東涌就完成!

終點:石壁水塘休憩公園
終點:石壁水塘休憩公園
路線
路線

路線:長沙引水道站>長沙配水庫>石壁水塘>石壁水塘休憩公園>沙嘴

全程:約9公里

需時:2.5小時(連休息時間)

難度:初級

來回交通:大嶼山巴士

你可能還想看