魚蛋，香港最有代表的美食之一，可惜這種地道美食卻因成本問題，漸漸轉去大陸或東南亞生產，不少品質變異，甚至出現真假魚蛋一說，亦令每粒堅持在香港製造的魚蛋彌足珍貴。不過香港製造的魚蛋成本高，產量少，香港製造早以非生意人首選。偏偏有人並非這樣想，已有59年歷史的老字號九記魚蛋，其負責人李元東正是其中一人，「人哋返大陸係想搵大錢，我寧願留喺香港，做好個質素。」說畢，又低頭繼續做他引以為傲的魚蛋。

【立即讚好】全新Yahoo Food Facebook 專頁

魚蛋養活一家 比例最重要

眾所周知，做魚蛋最出名的是潮洲人，但李生卻是客家人。「我80年代為咗搵食嚟到香港，一開始賣首飾，之後聽到九記搵人頂手，咪膽粗粗接咗嚟做。」當年的頂手費只是幾萬元，而李生一做就做了三十幾年，更靠着這種平民美食結婚生子，養活全家。

現在葵涌的魚蛋廠，製作魚蛋的過程已經全部變成機器化，不過步驟卻一點都不簡單，「我哋首先要將啲魚打成醬，成形後放涼再炸，最後才成為現在的魚蛋。」李生說，前後經歷六、七個步驟。而製作魚蛋最重要的一步，就是每種魚的比例，「整魚蛋唔可以單靠一種魚，我哋就傳統啲，有銀帶、紅衫魚、大眼雞、九棍等等，少咗一樣都唔得。」李生擺擺手說，「每種魚都有佢哋嘅特性，好似紅衫咪滑，大眼雞就有膠質。」

雖然九記生意已經相當穩定，一日出產二十多萬粒魚蛋，但是李生跟李太依舊每日回廠助陣，「親自睇過品質先安心。」李生說，亦因為「安心」二字，他們無意到內地開廠，「啲人返大陸開廠係為咗做大，但我哋又無呢個心，好在我哋一早買咗呢度，唔洗比人年年加租，成本低啲，可以喺度睇實出品，做好個品質，唔怕食壞人。」不像其他肉丸品牌，九記的肉丸品種不算多，最主要都是魚蛋跟墨魚丸，原因是李生擔心做太多不同種類，無法好好保持質素。

丈夫一心放在魚蛋，問到李太有否不滿，說話客氣又溫文的李太笑說，「我都唔得閒理佢，我都好多嘢做，返完工又要湊女。」二人默契不言而喻，這份感情亦打動囡囡李小姐辭去穩定的政府工，回家幫忙。

「屋企人由細到大都會帶我哋幾姐妹返廠幫手，有時假期都要我哋凌晨返去，可能因為咁，對九記有咗感情，加上疫情影響，令我想返屋企幫輕下佢哋。」李小姐說，從小看着父母為九記打拼，令她知道每粒魚蛋都是父母的心頭肉，「因為主要客源都係小食檔，以前仲有好多小販檔時，佢哋都要親自落去收數，無車時又要自己落埋去送貨，好辛苦㗎。」她說，父母從前一年只放2日假，每日凌晨2、3點開工，為的就是可以即日出貨給客戶，保持新鮮。

招牌魚蛋王 $18｜Shop Now

出街食魚蛋要揀清湯煮

說到現在魚蛋的真與假，李生無所謂道：「魚蛋無分真同假嘅，只係多魚同少啲魚，我哋嘅魚蛋大概7成都係魚。」李生說話不帶半分老行尊的氣燄，亦沒有打算踩低其他品牌去捧高自己，就連魚蛋全部用上貴價的歐洲粉，也是女兒提醒才記得提及，但亦未有扔書包，「我都唔太清楚，但歐洲粉整嘅魚蛋同墨魚丸就係好食啲，可能係水土問題，呢啲就要啲讀書人先識，哈哈。」李生笑說。

吞拿魚魚蛋 $20｜Shop Now

當請教李生如何揀到粒靚魚蛋，他跟李太都立即說，「無㗎，好難睇。」，但李生到街外食魚蛋時，多數都會選擇用清湯煮魚蛋的檔攤。「敢用清湯煮，多數都係對粒魚蛋有信心，如果唔係就會用咖哩味冚住佢。」而他出品的魚蛋，無論煮多久，不會發漲也不會減輕半分魚味。

彈牙墨魚丸 $23｜Shop Now

疫情影響下創網店 父母不言休

受疫情影響，九記生意曾下跌50%，這時李小姐決定為九記設立網店，推出零售包裝，亦多加宣傳，「雖然生意唔係話多咗好多，但見到每日都有多少少生意，已經好滿意。」正如父母踏實的性格，李小姐說話有主見卻不自大，年紀雖輕卻非某些成年人口中所說的「廢青」，柔弱的聲線中有着把這種傳統美食，帶到下一代的決心。

既然囡囡回家幫忙，李生李太又可有退休大計？他們笑着擺手搖頭，「唔退休，退休咁悶，做到行唔到嗰時先嗰做。」說畢，一家三口相視而笑。說實在，如果你是追求彈牙口感的魚蛋，九記魚蛋未必得到你的歡心。但九記的魚蛋一咬就嚐到陣陣魚香，口感紮實，反而有種從前的樸實感，以及久違的人情味。

全新訂座平台「Yahoo訂餐廳×Openrice」正式上線！
>>立即按此了解更多香港各區餐廳訂座優惠<<

今晚食乜好？即睇最強雞翼食譜、牛油果食譜合集

食乜養生好？二十四節氣：中醫教路/湯水進補/穴位養生

自助餐推介！睇盡各種自助餐優惠/回本攻略

想知最新飲食資訊？按此觀看Yahoo Food編輯推介

更多優惠資訊推介

【自助餐優惠】11月酒店自助餐劈價推介34間 優惠碼買一送一/低至$254任食生蠔/7折現金券

酒店下午茶優惠2020｜推薦22間 逸東酒店下午茶buffet$120/萬麗海景酒店afternoon tea低至半價

酒店優惠2020｜10月香港Staycation酒店住宿最新優惠合集（持續更新）

【自助餐優惠】康德思酒店$238食宵夜自助餐還原泰國夜市

【自助餐優惠】沙田帝逸酒店buffet優惠！最平$368任食生蠔+回本攻略

【飲食優惠】連鎖餐廳飲食優惠：KFC全日優惠券/麥當勞$25麥炸雞餐/Pizza Hut $98大批

【放題優惠2020】放題優惠推介8間！$88燒肉放題/任食生蠔/和牛放題買一送一

【放題2020】任食點心放題回本推介8間！國金軒$270快閃優惠/$138任食點心

更多網購優惠推介

【麻辣鴨血】網購麻辣鴨血推介8間 KiKi麻辣鴨血$48包/賈以食日鴨血冬粉

【網購拌麵推薦】十大高質拌麵推介合集 台灣拌麵No.1/超高級蟹黃拌麵/明星最愛

【網購Bagel】香港5間超吸引Bagel IG Shop 誇張爆餡/公開Bagel卡路里/低溫發酵

【台灣手信2020】網購大熱台灣零食手信！灌餡蛋捲/爆餡夾心餅乾/台灣國宴必備芋頭酥

【網購蛋糕】網購蛋糕店推介11間！小店手工蛋糕/純素蛋糕/免運費攻略

【網上烘焙店】網購烘焙材料10大推介！免運費攻略/9折優惠碼

【網上超市】香港網上超市推介10間！全部免費送貨/快閃優惠低至7折/網購食材日用品

【今晚食乜好】唔知今晚食乜餸？立即去Yahoo Food 食譜專頁搵靈感