馬國明撐譚俊彥係時機攞獎!

·1 分鐘文章
馬國明對於攞獎抱隨緣心態。
馬國明對於攞獎抱隨緣心態。

馬國明、陳山聰、唐詩詠等前晚在銅鑼灣為無綫新劇《隱形戰隊》舉行煞科宴,由眾主角夾份宴客。馬國明入圍無綫台慶頒獎禮「視帝」最後5強,問到攞獎信心?他笑說:「隨緣啦,我都唔知道點解入到5強,今年好平均,睇吓邊個幸運啲。自己睇好譚俊彥,佢演技齊晒,係差時機,佢同《魷魚遊戲》主角撞樣,連人氣都有,今年就係時機。(唔想再攞視帝?)隨緣,情願將啲運氣放喺中六合彩度,我好知足,5,000萬就夠,中咗即刻唔拍劇住,放個長假。(唔係第一時間娶湯洛雯?)中咗再去諗點搞婚禮,希望有呢個幸運畀我啦!」

唐詩詠面上長了不少粒粒,原來是免疫力降低所致:「呢兩年太過勞碌嘅後果,依家有食物敏感,廿幾樣嘢都唔食得,好似米、豬肉、青瓜等等,由《白色強人II》開始擾攘咗9個幾月,醫生都要叫我唔好再拍劇住,要抖一抖,同公司攞咗半年假好好休息一吓。」陳山聰笑說:「都話你要嫁人㗎啦!」

陳山聰笑唐詩詠:「都話你要嫁人㗎啦!」
陳山聰笑唐詩詠:「都話你要嫁人㗎啦!」



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能