馬國明《獎門人》焗住獻醜 唐詩詠自嘲蠢人恐毀「型」象

唐詩詠直言唔想觀眾睇到佢「蠢」嘅一面!
唐詩詠直言唔想觀眾睇到佢「蠢」嘅一面!

藝人唐詩詠聯同馬國明及胡定欣前晚現身遊戲節目,3人自認轉數慢,對玩遊戲表示怕怕,詩詠戲言他們並非《白色強人》而是《白色蠢人》,擔心太蠢影響劇中的醫生形象。

無綫劇集《白色強人II》一班演員馬國明、唐詩詠、胡定欣及陳豪等,前晚錄影遊戲節目《開心無敵獎門人》,詩詠與馬國明笑言逃避現身《獎門人》十多年,詩詠笑說:「因為我哋唔叻,我個腦好蠢,我哋係『白色蠢人』,唔想觀眾見到我哋呢面,瓦解咗劇中醫生形象!」馬國明自認轉數慢,認為隊中以胡定欣最強,故選了她和郭晉安擔任隊長,問到最怕哪個環節?他坦言:「個個都怕,之前試玩全部錯晒,睇吓到時避唔避到,希望『獎老』阮兆祥同錢嘉樂會幫我哋。」

胡定欣唔想輸咁多

胡定欣被馬國明視為最強,她卻自嘲:「我今次嚟係攞回憶,同埋將自己笨拙一面表露無遺!(最怕邊個遊戲?)我最怕玩辣辣壽司,我唔係怕食壽司,而係驚畀人睇到反應慢同埋個腦轉唔切,怕觀眾見到我同套劇入面嘅醫生角色唔襯,希望唔好輸咁多,留番條底線。」

同場的前落選港姐蔡嘉欣早前在網上為美容產品宣傳時自畫黑眼圈,遭網民喪插造假,她解釋:「個工作係公司接,化黑眼圈都係個客戶安排。(你唔覺得咁做有問題?)個客覺得冇問題,我係驚訝我喺觀眾心目中係冇黑眼圈。其實個產品係有效,只係手法太誇張,啲網民太聰明。」

馬國明唔只轉數慢,連動作都慢。
馬國明唔只轉數慢,連動作都慢。
胡定欣玩遊戲搏到盡,為接麵搞到「冇面見人」!
胡定欣玩遊戲搏到盡,為接麵搞到「冇面見人」!
蔡嘉欣為造假一事解畫。
蔡嘉欣為造假一事解畫。