馬德鐘父子檔拍劇 馬在驤被指與AV男優加藤鷹撞樣

馬德鐘&馬在驤
馬德鐘&馬在驤

做得藝人嘅樣貌多數都出眾,而佢哋嘅仔女當然遺傳到唔少優良基因,所以「星二代」嘅顏值一定有咁上下。另外,佢哋自細就受到父母影響,唔少「星二代」都會選擇加入娛樂圈,當中包括同老竇馬德鐘一樣生得高大威猛嘅馬在驤。

現年22歲嘅馬在驤,擁有1.9米嘅高挑身形,樣貌更有八九成與爸爸馬德鐘一樣。仍然讀嘅書嘅馬在驤,喺澳洲修讀機械工程,不過因新冠肺炎疫情嘅關係,佢暫時休學並回流香港。由金牌監製王心慰開拍嘅無綫新劇《我家無難事》,成功邀請馬德鐘同囝囝馬在驤「父子檔」拍劇,第一次拍劇嘅馬在驤,將會喺劇中飾演爸爸嘅年輕版,同唐詩詠、簡淑兒有對手戲。年紀輕輕嘅馬在驤今次真係為劇集做足準備工夫,除咗請教爸爸演戲心得之外,佢仲為咗一幕電單車場面而去學電單車。

馬在驤除咗工作有網民討論之外,近日更有網民指佢嘅樣貌與有「神之手」之稱嘅日本AV男優加藤鷹撞樣,雖然佢哋嘅年紀相差一大截,不過佢哋嘅髮型、下巴及笑容等等都好似,生得比較老成嘅馬在驤就被封做「港版性博士」,唔知呢個稱號會唔會令更多人記得佢呢?

【相關搜尋】馬在驤泳衣騷

【相關搜尋】馬德鐘拍拖照曝光

馬在驤
馬在驤
加藤鷹
加藤鷹
加藤鷹
加藤鷹