今時今日，說馬鞍山是美食沙漠或者有點過時，商場多，連鎖食店也多，說是沙漠實在言重。不過令住了馬鞍山26年的「老街坊」，今年32歲的阿俊身感同身受的，卻是：「馬鞍山一到夜晚8pm往後就搵唔到嘢食，只得好有限的連鎖店，都係漢堡包薯條，根本無得揀。」他說，也因此在3個月前，他決定在同區創業，開設一間家庭式燉湯店。

【立即讚好】全新 Yahoo Food Facebook 專頁

生於湯水之家

「馬鞍山住了不少年輕夫妻，多數都要二人出外打工，好難有住家飯食，更別說有湯水飲。」阿俊曾經也有同樣經歷，放工已是黃昏7點，由市區乘車回家。「返到馬鞍山都近8點，街市當然無，去超市買食物回家煮又太晏亦太攰，出街食嗎？都係連鎖店，食得多就悶。解決方法都係喺市區食完晚飯先，但總不能餐餐都咁。」

今年32歲的他自言自小就湯水充足，嫲嫲媽媽都很重視湯水，青紅蘿蔔、蕃茄薯仔、五豆湯那種家常煲湯不在話下，「媽媽會燉湯，特別係椰子雞湯，菜乾豬肺我最鍾意飲。」也正因如此，年前他就有想法，一直想開一間湯水小店，做慣零售的他，為了準備新店，甚至到車仔麵店打工學如何營運一間餐廳。直至幾個月前，物色到心水舖位，就決定開店。

聽街坊意見 改良湯料

主打湯水，以燉湯為主角，一來取其原汁原味，營養保留得充足，二來「燉湯比煲湯多功夫，需時也多，不是一般家庭可以常做。」店現時主打8款常設燉湯，當中有大路款式如花膠螺肉燉雞，花旗參無花果燉瘦肉，也有較繁複的菜乾雞爪燉豬肺，羊肚菌茶樹菇螺肉燉瘦肉等。

阿俊的湯水知識都是自學而來，今次開店賣湯水，除了找來媽媽做顧問設計湯水款式，他也特別緊張街坊的意見，像菜乾雞爪燉豬肺的食譜，開店而來，已經改過多次：「一開始時唔少街坊話菜乾湯唔夠濃，後來有熟客提議可試試加入章魚一起燉，我們試了，又真的令湯水更濃稠，味道也更鮮甜有層次。」未呷菜乾湯，香氣已經撲鼻而來，菜乾也洗得乾淨，很入味。

抵食原個木瓜燉雪耳

燉湯以外，糖水也頗受街坊歡迎，7款之中，最抵食算是原個木瓜燉雪耳，手掌size大的夏威夷木瓜會先被試味，夠甜才會用，木瓜厚肉，裝著熱鮮奶及雪耳，一啖入口，份外滋味。現時小店營業至晚上9時，「只要9點前有order，我哋都會做。」阿俊希望改變區內一入夜就變身美食沙漠的印象。

全新訂座平台「Yahoo訂餐廳×Openrice」正式上線！

>>立即按此了解更多香港各區餐廳訂座優惠<<

湯房

地址：馬鞍山西沙路599號銀湖天峰地下M12C號舖(地圖按此)

電話：2441 9777

今晚食乜好？即睇最強雞翼食譜、牛油果食譜合集

食乜養生好？二十四節氣：中醫教路/湯水進補/穴位養生

自助餐推介！睇盡各種自助餐優惠/回本攻略

想知最新飲食資訊？按此觀看Yahoo Food編輯推介

更多馬鞍山美食推介

【馬鞍山美食】一粒手工燒賣的誕生！燒賣同包原來係近親？

【馬鞍山好去處】馬鞍山首間親子餐廳！Whizbo Kids Café 韓風+環保+卡通美食

【馬鞍山美食】街坊義工開湯水舖 老闆：「放咗工想搵啖靚湯飲都冇」

【馬鞍山美食】備長炭煲仔飯專門店 海膽安格斯牛肉煲仔飯/特製豬油拌飯/黃金飯焦

>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！

【今晚食乜好】唔知今晚食乜餸？立即去Yahoo Food 食譜專頁搵靈感