馮允謙「變身」成功 攞大獎收名錶

馮允謙憑這身打扮奪得「最佳煲呔衣著大獎」,獲頒贈名錶。
馮允謙憑這身打扮奪得「最佳煲呔衣著大獎」,獲頒贈名錶。

歌手馮允謙打扮得官仔骨骨出席活動,更憑悉心打扮奪「最佳煲呔衣著大獎」殊榮,獲頒贈名錶作禮物。他笑言私下零Fashion感,出街只是普通T-Shirt加牛仔褲,全靠Stylist幫他「變身」,故對今次得獎非常開心,又笑稱自從做了歌手後,便跟男團MIRROR一樣人生再沒有夏天,出席活動必定加件外套。

提到他快將偕衛蘭開騷,他開心指父母專登由加拿大飛港撐場,昨早剛完成隔離放「疫監」回家:「上次同Ian(陳卓賢)開騷,佢哋只係睇網上版,嚟唔到現場好內疚,其實細個嘅時候唔鍾意佢哋嚟睇我表演,覺得好緊張同怕醜,但依家唔同諗法,有佢哋喺度支持我會定啲。」同場司儀楊洛婷則大騷Quali,着超Deep V粉紅色晚裝晒驕人事業線。

楊洛婷性感上陣,大晒事業線。
楊洛婷性感上陣,大晒事業線。