馮盈盈唔怕是非 冧莊做女王

東方日報
·2 分鐘文章
馮盈盈「雄心壯志」,牛年要繼續做「新聞女王」。
馮盈盈「雄心壯志」,牛年要繼續做「新聞女王」。

肖狗的馮盈盈牛年刑太歲,是非難免陸續有來,樂觀的她自我安慰,認為有是非即有新聞,總比沒新聞好,新一年樂於冧莊做「新聞女王」。她又自爆初入行不知藝人有派開工利是的習慣,誤會龔嘉欣已婚,認真烏龍。

馮盈盈向來是新聞女王,她透露之前主持玄學節目時,師傅指她新一年是非多及有口角之爭,但她卻冇有怕:「轉個角度去理解,有少少是非即係多新聞,咁都係件好事,喺娛樂圈嚟講冇新聞先係壞新聞,只要用正面態度去面對,就唔需要特別擔心,而且師傅都提供咗錦囊畀我化解。」

講到新年,盈盈表示今天仍要開工,跟大班同事熱熱鬧鬧過節,已準備5位數字開工利是,並自爆瘀事:「除咗入行第一年,每年都有派,初入行唔知藝人有派開工利是嘅習慣,記得當時見到龔嘉欣派利是,仲好傻咁問其他同事乜佢結咗婚?同事解釋畀我聽,叫我下年都要準備。」她稱喜歡派利是,因可將祝福送給大家,同時為自己積福,就算疫情關係而未能現身拜年,也會使用電子紅包。

工作為先 感情隨緣

盈盈於牛年計劃多多,她說:「首先我上年報讀咗一個遙距心理學同輔導課程,今年會繼續;第二最近我開始做網上頻道,已經上載咗一條片,反應好熱烈,一星期內已有幾萬點擊;第三希望拍多啲唔同劇集挑戰唔同角色,我一直好想做精神上極端、性格陰沉憂鬱嘅角色,畀觀眾一份新鮮感。」至於感情方面,前年甩拖的她自言以工作為先,感情隨緣。

除了入行第一年懵盛盛,盈盈現時已習慣大派利是。
除了入行第一年懵盛盛,盈盈現時已習慣大派利是。