馮盈盈江嘉敏上載「破冰」合照 被網民發現佢哋有啲嘢........

馮盈盈同江嘉敏本來情同姊妹，二人以前經常食飯見面，但上年被影到同一班富豪當中有何猷亨一齊去船P後，有指關係徹底破裂。事隔差唔多一年，二人被無綫安排做新節目《解構心機女》主持，首日開工佢哋即喺個人社交網站上載「破冰」合照。

馮盈盈同江嘉敏喺IG分別上載錄影節目嘅相片，馮盈盈留言話：「破。冰... sorry打錯 走冰先啱 珍珠奶茶 少甜走冰 知道嘉敏今日第一次做主持 請你飲珍珠奶茶 為你加油打氣 我哋一齊做好個show #解構心機女 #珍珠奶茶 #台灣風味 #少甜走冰 #低糖低熱量 #期待新火花」而江嘉敏就留言話：「多冰，少冰，走冰，都不適合我 難得師姐請我這個新人喝珍珠奶茶，但我這個星期不能碰冰！對不起啦，師姐，下次再請我喝吧！☺️☺️實在對不起大家，我一工作就會放下電話，照片連filter也懶得加，所以最近更新得太少了。 忙完之後，我會努力去探索香港更多美麗的地方，探索一下更美味的美食，拍更好的照片。 #解構心機女 #點解女人總係有一個星期唔飲得凍野㗎 #食飯時間用嚟post相做訪問拍花絮 #唔可以再食飯勁肥丫 #第一次係TVB做主持 #聽日第一日開工喇我 #辛苦經理人劇組同節目組一齊幫我夾期 #我會努力好好學習 #3月底開始麻煩大家要開電視喇 #到時真係要 #睇我啲片要開喇叭 #有幾位綜藝師姐帶領住我呢個新人」

不過唔少網民留意到佢哋嘅笑容牽強及生硬，馮盈盈個笑容仲好尷尬。不過最令人注意嘅係佢哋兩個雖然上載同一張相，但仔細睇嘅話佢哋個樣有明顯分別，佢哋被網民發現各自幫自己個靚樣再執一執，P細咗自己塊面，而馮盈盈就再幫自己係髮際線加多啲頭髮。亦有網民到江嘉敏社交網站留言問佢用邊個APP，但佢話係原圖。咁究竟佢哋邊個有P圖？真係佢哋先知啦！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！