馮盈盈處女下海 浴誘網民撳鐘仔

東方日報
·1 分鐘文章
馮盈盈
馮盈盈

馮盈盈向來是網民熱捧的「花生女神」,話題及人氣一樣勁。最近她為新開設的短片頻道響頭炮,不惜處女下海拍出浴片,公開邀請網民「撳鐘仔」!

昨日馮盈盈網晒一張泡泡浴照,宣布開設個人影片頻道,留言:「我覺得內容都頗具資料性和有趣,但拍出來的效果,香艷到自己都唔敢睇,如果大家有時間就望望啦!」更呼籲大家踴躍訂閱頻道及「撳鐘仔」,以開啟頻道通知功能。

「處女片」是她介紹6招去水腫秘方,其中一招是浸浴促進新陳代謝,而她並非得個「講」字,而是素顏上陣在酒店房拍片。為了響頭炮,她實行大贈送,以浴巾裹身大晒香肩及美腿,更騷出白滑美背,邊戲水邊吹泡泡,果然如她所說般非常香艷!

網民提議拍AV

短片上載1日,收看次數已有1萬4千次,網民狂讚她夠索夠火辣,並揚言會「撳你鐘仔」:「睇到流晒口水」、「把聲好聽唔嘈」、「終於可以撳到FYY(馮盈盈)鐘仔」,但有少數網民卻「倒米」,指她可以去拍AV,也有人問她為何出浴要包浴巾,她亦有回覆:「因為唔用會出唔到街。」而圈中好友亦有捧場,合作主持《#後生仔傾吓偈》的陸浩明留言:「浸吓浴傾吓偈?你將會衝擊平台底線?」

馮盈盈露出白滑玉背,網民嗒晒糖!
馮盈盈露出白滑玉背,網民嗒晒糖!


【相關搜尋】馮盈盈被嘲「扮nice」