馮盈盈誓殲滅情敵 機械人李佳芯動情 爭仔唔眨眼

李佳芯演智能機械人難度極高,有望憑角色再度衝擊視后寶座!
李佳芯演智能機械人難度極高,有望憑角色再度衝擊視后寶座!

李佳芯於新劇演高端智能機械人,被喻為再次衝擊視后之作!劇中與首演男一的陸永及上位小花馮盈盈展開三角戀,當中雖有打鬥場面,卻不能眨眼及流汗,絕對是體能及演技大考驗!

由視后李佳芯掛帥、馮盈盈、陸永、簡淑兒、麥美恩及C君等演出的無綫新劇《智能愛人》,將於8月3日(周二)起在翡翠台播放,為配合「東奧」賽事,劇集首周延至晚上10時15分播出,之後回復正常於晚上9時30分播映。

劇情講述高端智能機械人阿寶(李佳芯飾)出廠時意外走失,結果被古家廉(陸永飾)私有化帶回家,其後被古家當「阿四」,協助他們完成各式各樣任務。與人類相處一段時間後,阿寶漸漸有七情六慾,之後更愛上陸永,繼而與謝多燕(馮盈盈飾)變成情敵,兩女為了陸永爭風呷醋,盈盈誓要把佳芯消滅!

首度挑戰演機械人的佳芯,由起初零情感到接觸人類後學懂模仿,再有動作及感情,角色富層次感,當中更要應付打鬥場面,監製陳翹英大讚她駕馭能力高:「搵唔到香港邊個演到呢個角色,將冇表情同感情演到有呢個元素,仲將機械人受傷害嘅情感表現出嚟。」佳芯亦表示角色頭半段零情感,確實有點困難:「唔可以眨眼、流汗,講嘢一個tone,對住盈盈係板起塊面,因為係敵對關係,好多嘢要靠佢哋做,所以我唔易之餘,佢哋都難演。同埋當初冇預計會有打鬥場口,而且打得都幾勁,仲要吊威吔。」至於跟陸永首度合作,她讚對方口才了得而且鬼主意多多,故經常要忍笑:「喜劇嚟講呢啲對手好好,佢喺對白上亦會畀意見,令大家好有互動。」

監製讚陸永演出精彩

陸永今次躍升男主角,還與兩位女神談情,艷福無邊!陳翹英直言陸永演出精彩,不過當主角的他並無特別興奮:「做配角時又一樣係咁,交到貨都係咁演。(同兩個女神合作好開心?)佳芯好犀利,演死物演到出神入化,好大挑戰;盈盈每日做足晒功課入廠,係我見過最勤力嘅演員。」至於盈盈就表示面對搞笑能手陸永,無力招架:「就算佢好專業咁演都會好搞笑,睇佢演出會忍唔住笑,搞到要NG幾次。」

馮盈盈與陸永本是一對,二人更有床戲!
馮盈盈與陸永本是一對,二人更有床戲!