馮盈盈鄭衍峰 情侶Tee放閃搲撈

東方日報
·1 分鐘文章
鄭衍峰同馮盈盈着黑白情侶T恤出席生日飯局。
鄭衍峰同馮盈盈着黑白情侶T恤出席生日飯局。

現年26歲的馮盈盈與醫生男友分手後不愁寂寞,先後與鄭衍峰及賭王兒子何猷亨傳緋聞。雖然猷亨早前被發現翻撻陳瀅,不過「豪門夢碎」的盈盈亦有着落,回歸鄭衍峰懷抱。她早前高調上載鄭衍峰的生日照放閃,原來甜蜜慶生後還有後續,再穿黑白情侶T恤出席朋友飯局,關係昭然若揭!

問到是否想將戀情浮面?鄭衍峰依舊否認:「好朋友咁啱撞衫,大家唔使大驚小怪!嗰晚有好多錫自己嘅朋友嚟陪我過生日,真係好開心!」問到雙方關係?他說:「工作內外都有默契,尤其工作上嚟緊會有多啲合作,大家留意啦!」

而馮盈盈似乎與鄭衍峰夾晒口供:「哈哈,講過我哋係好朋友,品味差唔多,撞衫都唔出奇。何況件衫喺連鎖服裝店有得賣,人人都可以買!」她更出口術情侶檔廣告:「我覺得服裝品牌同首飾品牌一定要搵我哋拍廣告,因為原來大家咁留意我哋衣着打扮,着咩都有宣傳效果!」