馮盈盈霸氣反擊:全身嘅嘢係自己賺錢買!

東方日報
·4 分鐘文章
馮盈盈澄清傳言,直言自己「行得正企得正」!
馮盈盈澄清傳言,直言自己「行得正企得正」!

現年26歲的馮盈盈被指成為65歲陳國強「新寵」,富貴入住海景豪宅及豪用20萬名牌包包!對此,盈盈澄清指報道錯漏百出,強調自己只想做孝順女,與家人同住照顧患病母親,包包是其父送給她的禮物,她更豪言:「我全身嘅嘢都係自己賺錢買,行得正企得正,唔會因此而改變自己。」緋聞男友鄭衍峰亦力撐她是全公司最不拜金的一個。

電視廣播有限公司前主席陳國強(殼王)向來多「寵兒」,多年來被指獲寵幸的女藝人各有姿色,大多是港姐出身,樣靚身材正,全都是無綫力捧花旦,當中包括葉璇、郭羨妮、徐子珊、高海寧等,而近年則有張曦雯,估不到他退位後,連港姐馮盈盈都被指「登位」,忽然成為殼王「新寵」!受得殼王「寵幸」,當然備受愛護,之前無綫的「限奶令」,據知都是女藝人要性感上陣拍攝後告狀,殼王因而下達的禁令。

住豪宅孭名貴包包

其實盈盈繼之前被本報拍得與賭王四房公子何猷亨於遊艇上開P斷正後,之後不時被指積極埋上流堆,於社交網豪晒名牌包包,最貴的更是VIP訂造、逾20萬元的拼色特別版。而她之前由月租19,000元的深水埗匯璽300多呎單位搬出,被指遷入千呎、價值2,000多萬元、月租都要4萬元的將軍澳豪宅Malibu,該處享全海景,盈盈更不時於社交網晒「好景」,被指忽然富貴。

不過,對於所有傳聞,盈盈大呼無辜,更指報道內容錯漏百出,自己亦一頭霧水。她承認目前的確住在將軍澳,但並非報道所指的Malibu:「報道好多嘢都係錯晒,我搬返去同屋企人住,係想做孝順女,之前媽咪心臟唔舒服,成日都要做Body Check,年紀大又會突然血糖低頭暈,要人照顧,而且我可以講,依家住嗰度我係租,唔係買,唔知點解話我忽然富貴,希望啲新聞唔會激親媽咪!」盈盈亦表示報道令其父不開心,因為她用的名牌手袋均是爸爸所送:「段報道手袋嘅價錢都唔啱嘅,之前我都喺節目《#後生仔傾吓偈》講過,由我18歲開始,爸爸就買呢個牌子手袋畀我做禮物,佢覺得係保值嘅投資,所以Keep住都有送畀我同媽咪,係爸爸錫我同媽咪,啲袋我都係同媽咪Share用。」

問到日後會否避忌、低調一點?她強調一直努力、專心工作,自己賺到錢亦可以買袋給媽咪及自己:「我全身嘅嘢都係自己賺錢買,我行得正企得正,唔會避忌,唔會改變自己,做女藝人有時真係好慘!」

鄭衍峰力撐最唔拜金

對於被指是陳國強「新寵」,盈盈指對方是以前公司老闆,私下並沒有聯絡,又說:「可能一直以嚟公司都有好多工作機會畀我,並唔係因為我同某啲人關係特別好,講真我個人一直好爽快,前年公司同我傾約,我一簽加簽咗10年,疊埋心水喺公司努力做,咁我簽咗10年約唔通公司唔畀嘢我做咩!」

此外,盈盈的緋聞男友鄭衍峰昨日受訪時力撐對方:「《#後生仔》裏面已經講過佢啲袋係Daddy送,將軍澳佢係同屋企人住……去照顧屋企人都畀人話。講真就算佢對呢啲無聊傳聞麻木,我都覺得佢好慘。大家攞張相出嚟先啦!冇相講咩都得㗎啦,我都同Madonna傳緋聞啦!其實一個公司裏面最唔拜金嘅女仔,最努力工作養家,自己搵錢自己買嘢,反而不停被人咁『做』,只能夠得啖笑。」

陳國強
陳國強
馮盈盈晒身上的名牌包包。
馮盈盈晒身上的名牌包包。
海景豪宅原來係租嘅!
海景豪宅原來係租嘅!


【相關搜尋】殼王陳國強離開TVB