駱振偉泵大胸遭「性騷擾」

東方日報
·2 分鐘文章
唔通譚凱倫都想「性騷擾」駱振偉?
唔通譚凱倫都想「性騷擾」駱振偉?

藝人駱振偉與譚凱倫於ViuTV熱播劇《太平紋身店》飾演歡喜冤家,他自揭Man爆角色是「執二攤」,為符合角色要求,短時間內成功「泵」大胸肌,竟換來被「性騷擾」的下場!

駱振偉劇中角色「子彈」是出色軍人,被踢出軍校後轉做殺手,其後再因事逃至太平街,以維修電器維生;同樣走難到太平街的譚凱倫是髮型師,兩人每次相遇都「火星撞地球」嗌大交,她笑說︰「見佢前面就憎佢後面,但我唔夠佢打,所以我只會動嘴。」

講到劇集本來會赴新加坡、台灣及日本等取景拍攝,惟疫情打亂大計,駱振偉自爆角色亦有變動,「執二攤」接下「子彈」一角,而原定角色則由林耀聲頂上︰「收到通知之後就要即刻去準備,時間都幾短,心情都有少少奇妙,不過拍到就已經好好。」

着咗好似冇着咁!

他指劇情冇需要除衫騷肌,不過仍然可以「派福利」︰「本身套軍人衫着咗都好似冇着咁!貼到似第二層皮膚,着完係呼吸唔到,佢(譚凱倫)嗰套都係好Sexy,所以劇組放飯一定冇我哋份,水都唔使飲,真係連呼吸都肥!」

譚凱倫大爆對方俘虜劇組所有少女,各人電話內藏多張「閃卡」︰「我睇相都真係嗌咗出嚟!個個又走埋去話幫佢整件衫。」駱振偉笑住大呻經常被言語「性騷擾」︰「佢哋話我個波好大!但其實都冇咁誇張嘅。」為求達到最佳視覺效果,他加碼操練胸肌,由39吋練成43吋︰「我只能整大個胸,起碼着衫都好睇啲。(老婆好開心?)佢好開心!仲係咁嗌我Keep,我話你Keep吖笨!」

至於譚凱倫的造型走型格路線,長髮亦一瞬間剷青,超大突破︰「係好貼、顯身材嘅長袖高領衫,條硬皮裙又好短,大家好好成日幫我睇有冇走光。」並謂雖然之前有客串其他劇集,但今次戲份最多,認為這才是她的「處女劇」:「自己唔係專業拍劇出身,始終都有壓力。」

駱振偉為角色狂操Body。
駱振偉為角色狂操Body。