雅虎香港新聞 騎馬買老麥 馬來西亞馬術隊受猛烈抨擊
外國唔少麥當勞都提供Drive-Thru服務，即係食客可以坐喺車上面買外賣帶走享用。位於馬來西亞賽城一間老麥近日就出現與別不同嘅顧客，因為食客並非係開車前往購買，而係一隊人騎馬去！原來係附近一間馬術俱樂部5個人各騎一隻馬前接前往Drive-Thru買外賣，仲全程拍低放上網。
事後有唔少人都覺得非常新奇，不過好大部份人就表示反感，認為馬匹走於路上會對路人及車輛產生危險，另外片段中見到馬匹有於路上排便，極度不衛生，最後就係一行人全部無戴口罩，而仲同老麥職員面對面接觸，疑似違返防疫條例。
及後馬術俱樂部隨即發聲，表示馬術隊一行人後面有車隊護送，以確保其他人安全及清理糞便。另外於馬來西亞馬術運動屬於「激烈運動」嘅一種，可以豁免戴口罩呢。不過俱樂部強調，成員身上都有攜帶口罩，以便在下馬後即刻戴上。
（圖：Vicehorseclub@Twitter）
___________________
送《假冒女團》換票証
按此下載全新Yahoo APP，送你Anson Lo首次擔任男主角電影《假冒女團》換票証，想睇AL點樣易服男扮女裝、勁舞演出？立即下載Yahoo App！
___________________
相關文章：
