騷肌獲讚 謙稱望有張繼聰身形 Anson Kong預祝生日慨歎仍單身

【星島日報報道】江熚生（Anson Kong）主持的新節目《Have A Sweet Gym》昨錄影，獲工作人員預祝29歲生辰，並送刻有其名字的劍擊服作生日禮物。AK表示節目令亦他對甜品感興趣，談到男仔懂廚藝加分，他感歎道：「唉……我都仲係一個人呀……加分冇用。」

談到他拍攝的內褲騷肌照成為熱話，他說：「多謝大家，是少少訓練成果，但希望可以再好少少身形。未夠好，因為只得三個星期操練。多謝大家覺得好睇，也滿意這輯相。（給自己幾多分？）70分。（哪方面不滿意？）個身可以厚身少少，個胸可以大多少少，腹肌可以出多少少，目標好似張繼聰咁就無得頂，佢係perfect身形，所以我要再努力。」他的生日願望是家人、朋友、愛貓和自己身體健康，希望之前扭傷的手指完全康復，暫時未有找個女友的想法，希望與隊友下年可進攻紅館及日後一齊走埠演出。此外，MIRROR社交專頁昨日聲明未有打算明年2月開演唱會，提醒fans小心被騙。

文：張穎芝 圖：譚志光

■工作人員早有準備，為Anson Kong預祝生日。

■AK化身劍擊王子，睇落姿勢有板有眼。

■AK與黃婉曼即場對劍。

娛樂