驚傳彭于晏追求唐禹哲 一文睇晒二人歷年緋聞女友

現年38歲嘅台灣男神彭于晏，多年來形象健康，無負面新聞，唯獨係感情生活一直都好神秘，導致間唔中有唔同傳聞流出 。近日網上突然傳出與細佢2歲兼10年前嘅同門師兄弟唐禹哲嘅緋聞，又話二人將會先後宣布戀情，真係嚇死人！好彩彭于晏同唐禹哲工作室一起發聲明否認，一眾彭太太唔需要太過擔心啦！

彭于晏緋聞一向都唔多，不過每位都係女神級人馬：

舒淇
二人多次合作，彭于晏第一首MV都係搵舒淇坐陣，所以傳出姐弟戀，不過舒淇已經同馮德倫結咗婚。

許晴
二人喺2018年拍攝《邪不壓正》時傳出緋聞，佢哋被人影到私下吃飯而傳出緋聞，不過雙方都否認。

張鈞甯
佢哋初出道時已經認識，亦多次傳出緋聞，曾經指二人於台北結婚，但二人雙雙都否認。

蔡依林
2007年蔡依林被影到到彭于晏屋企玩通宵，繼而傳出緋聞，不過佢哋就否認戀情，只係話朋友聚會。

至於唐禹哲方面，緋聞女友及現任女友係：

郭雪芙
首先係台灣宅男女神郭雪芙，雖然女方表示兩人只係朋友, 不過有記者間唔中影到佢哋一齊嘅相。

西里
唐禹哲多次喺網紅西里微博點讚而傳出緋聞。

李佳穎
唐禹哲及李佳穎喺2015年合作《莫非，這就是愛情》並傳出假戲真做，不過之後有新戲搵佢哋做男女主角，女方表示唔願接戲。

蘇小軒
有傳媒影到唐禹哲同相差13歲「小周慧敏」之稱嘅混血緋聞女友蘇小軒行東區，佢同時話欣賞對方單純及樂觀嘅性格，仲係一個好女仔。後來唐禹哲承認戀情，低調認愛。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！