驚險2分鐘!教練冇綁實 遊客玩滑翔傘高空半天吊

19+

 

去旅行,有人要睇風景,

有人要買買買,有人要玩刺激嘢。

 

遊客Chris去到瑞士旅行,第一日嘅利程唔係買山區嘅肺,

而係去玩滑翔傘。

合理嘅,因為嗰度風光如畫,呢個玩法就可以俯瞰全景。

 

但係起飛冇耐,佢就知呢個並唔係一個好提議。

 

因為同Chris一齊飛嘅滑翔傘教練,唔記得將個客扣好,

於是一起飛,Chris就「跣」咗下半身出嚟,

只係靠一手捉住條桿,一手捉住教練隻腳保命。

 

由Chris上載片段所見,起飛冇耐本來有個平地可以降落,

但因為風勢問題,反而越飛越高……

 

佢地只可以繼續飛,終於搵到一處地方降落,

但係成個過程足足2分幾鐘,

Chris只係靠雙手死揸唔放,睇到都一額汗。

不幸中之大幸係,Chris只係落地嗰陣姿勢錯咗而手腕骨折要鑲鋼釘,

半天吊嘅過程亦令佢左臂二頭肌肌腱撕裂。

 

爭啲冇命,不過Chris都幫教練講好說話,

因為出事之後,教練只能單手控制滑翔傘,另一隻手就嘗試捉實自己。

最後大家都冇事,算係執身彩。

 

即使有過咁嘅經歷,Chris仍然打算再飛多次,因為「第一次唔太享受」喎。

呢次記得check清楚先飛啦!

原文傳送門

其他內容