骨骼精奇 大派用場 何廣沛生擒江嘉敏 撻着兒女屍情

·2 分鐘文章
鬥氣冤家,去到最後當然係有情人終成眷屬。
鬥氣冤家,去到最後當然係有情人終成眷屬。

無綫首套喪屍喜劇《食腦喪B》今晚八時三十分於翡翠台首播,新劇以黑色幽默手法帶出親情、友情與愛情的故事。劇中何廣沛屍變時失控喪擒江嘉敏,慘遭對方狂毆,扮演黑幫女兒的嘉敏需板起臉孔扮Cool,於她而言難度甚當高。

無綫喪屍喜劇《食腦喪B》由演員何廣沛、江嘉敏、陳曉華、郭子豪、方紹聰等主演,男主角廣沛帶有喪屍基因,要靠食人腦續命,食腦後會擁有對方的記憶和技能,與好兄弟郭子豪、方紹聰鬧出不少荒誕事。女主角嘉敏則演黑幫頭目的女兒,與廣沛由歡喜冤家演變成為一對。

嘉敏扮Cool難度高

監製吳冠宇看中廣沛皮膚白淨,神似廢青角色,原來他更「天賦異稟」,手指可以彎曲成奇形怪狀,拍攝喪屍戲大派用場,廣沛說:「做喪屍有一定挑戰,拍TVB劇多數都係做人類,第一次做唔係人類嘅角色,真係冇乜經驗。好彩由細到大睇好多喪屍劇集、電影,都有一定了解,集各家大成,自己研究咗一個方法,做到好似骨骼精奇咁,唔使點借力都可以撐起身。」

繼7年前的《親親我好媽》,廣沛再與嘉敏合作,劇中有不少肢體接觸,屍變時他更會撲向對方,卻遭嘉敏狂毆,他說:「都多肢體接觸,要抱佢、屍變時又要襲擊佢,但係大家有默契,有個信字就唔會尷尬。」嘉敏在劇中一改戲路,應監製要求減少面部表情,講對白零語氣、直腸直肚,她說:「以前做啲妹妺仔角色,今次變化好大,好Cool,講嘢冇尾音,原來難到爆炸,對我嚟講黑口黑面難過笑,成日黑面係會頭痛㗎!」

演繹喪屍動作難度甚高,幸好何廣沛天賦異稟,自成一格。
演繹喪屍動作難度甚高,幸好何廣沛天賦異稟,自成一格。
何廣沛經常「生擒」江嘉敏,可是換來一頓毒打。
何廣沛經常「生擒」江嘉敏,可是換來一頓毒打。
新劇除有驚慄情節外,亦有不少惹笑場面。
新劇除有驚慄情節外,亦有不少惹笑場面。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能