高海寧想入非非 滿腦子裸男

一眾女神高海寧、陳瀅、陳曉華、鄺潔楹、林夏薇等，昨日出席無綫劇集《七公主》宣傳，高海寧於劇中演性格粗魯的武俠小說家，由於經常幻想成小說主角，故造型百變：「啲造型都幾特別，好似《美少女戰士》嘅『天王遙』，着咗好多次，幾鍾意，又有旗袍Look。我同陸永好多對手戲，我哋係大家嘅靈感男、女神，因為成日有幻想，除咗陸永之外，都會幻想其他男人全裸對住我。」

而薇薇今次亦非常破格，與徐榮畸戀，親熱戲乃入行以來最激，還要向翠如潑屎，心理壓力相當大。雖然「道具屎」乃朱古力加香蕉所製成，但外觀幾可亂真，被潑的翠如一待完成拍攝即場沖洗：「我成個人啡晒，個身好多味道，個質感實在太似。（要沖幾多次涼？）啲味可接受，只係濃烈啲。」更指拍攝期間老公蕭正楠於家中與她對戲，大讚他無論律師或犯人均演得投入。

陳瀅女神崩壞

相反陳瀅全劇僅得一套衫及爛波鞋：「差在未瞓街，唔畀化妝同洗頭，保持油立立嘅質感。（冇晒女神形象？）冇啦，預咗冇。」至於鄺潔楹就穿上劍擊服擺甫士，絕對有姿勢有實際，對於劍擊港隊張家朗於奧運奪金，她不諱言睇比賽時心情緊張：「睇住佢逐分追真係叫咗出嚟！（因為呢個獎令到套劇提前出街！）多謝張家朗，希望佢哋都會睇呢套劇支持吓啦！」