高薪徵假男友過年 「老細」原來係靚女!

 

過年,駛少少錢求個方便,一年一次,好多人都肯。   搭的士、去樓下超市買份禮、出去食飯之外,仲有呢種服務。   早幾年都講緊,網上有人搵過年暫代男/女友,俾一二千蚊陪同出席拜年活動,免得姨媽姑爹問問貢。

台灣就有絲打喺facebook專頁徵「假男友」,條件相當唔錯,日薪1萬蚊台幣(約港幣2540元),包食住,交通費另計。需知唔少台灣後生仔月薪都係2萬幾蚊台幣,以除夕至初三「開工」計,好搵過返一個月工,係咪筍先?   既然係一份工,自然有條件。年齡要18-30歲,相貌普通但唔要宅男,唔好同「老細」父母講咸嘢同食煙,仲要識台語。福利嘛,拍拖男女喺親戚面前攬攬呢啲當然ok,如果你夠靚仔,可以同「老細」同房,甚至……自己睇啦。   比起返工,都有啲限制啦。平時後生仔射波好平常,「老細」講明一旦錄取最好做足全程。佢仲溫馨提示定有意者「若要弄假成真,請記住我不美別遐想」。   唔少人都話呢份工可以話係最佳part time,甚至話「賺錢賺女友」。   係喎,「老細」咩樣先?   有人就貼咗聲稱係「老細」張相出嚟……嗱,O唔OK,你地判斷。

台妹+皮膚白喎,似似地應采兒喎,喂!應徵啦?原文傳送門【相關搜尋】出租女友拜年