高達來了!一比一高達12月登陸橫濱高達樂園
男人總愛機械人,而當中鍾意高達嘅更多不勝數。一直以來都有報道指一比一高達將會正式出現日本,不過確實日期始終未知;終於官方正式確定高達將於12月19日登場!
為慶祝高達首播40周年,橫濱山下碼頭將會大變身成為高達樂園(Gundam Factory Yokohama),開幕當日就會出現一比一大小、高18公尺嘅高達,型號為RX-78F00 ,高達唔單止只係一棟「建築」,而且係可以郁動,各個關節位都可以由人手操控而做出各種動態動作!
整個高達樂園面積近9千平方公尺,設有高達維修棚及高達實驗室。客人可以於高達維修棚離地15至18公尺高嘅觀景台,正面望向巨型高達,更可以乘坐升降機去到高達頭部相約高度,近距離直視高達雙眼!由於疫情關係,官方表示會注意好社交距離,同時希望為民眾帶來新娛樂呢。
相關文章: