雅虎香港新聞 高鈞賢北上發展6年 為女友回流香港拍劇
2005年香港先生冠軍高鈞賢（Matthew）加入無綫後拍攝多部劇集包括《肥田囍事》、《法證先鋒II》及《飛虎II》等等，可惜捱足9年發展平平，更患上抑鬱症，最終於2014年約滿離巢，轉戰內地發展。北漂6年，高鈞賢拍攝唔少劇集，包括《山海經之赤影傳說》、《包青天》、《灣區兒女》及《戰狼.戰狼》等等，亦拎過「年度劇集潛力男演員」，發展尚算不俗。今年高鈞賢決定回流香港，大家又可以喺電視見到佢啦！
高鈞賢上年6月試水溫，為節目《流行經典50年》錄影，之後與邵氏簽下5年部頭約，包括與袁偉豪、黃智雯及陳家樂等人合作拍攝《把關者們》，喺劇中飾演犯罪集團主腦。佢直言北漂6年令佢成長唔少，比以前更加珍惜及把握機會。另外，仲有一個令佢選擇回流香港發展嘅原因就係為咗拍拖多年嘅女友。由於之前佢喺內地工作嘅關係，二人聚少離多導致分手收場。早前佢同女朋友重新聯絡，女朋友講一句「I make your dream comes true」並表示支持高鈞賢發展事業，結果深深打動高鈞賢，因此佢決定返嚟香港工作，多啲時間陪女朋友、父母及寵物。
按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
