高齡誕下唐氏綜合症兒子後再懷孕 被寸「呢胎都會有」俄國女星怒摑觀眾

點解俄羅斯人會被稱為「戰鬥民族」?唔止因為普京騎棕熊呢啲畫面……49歲俄國女星Evelina Bledans,最近第3度懷孕。佢25歲時誕下大仔,但係事隔多年,去到2012年以43歲高齡再懷孕,不過小朋友被確診得到「唐氏綜合症」。

呢期Evelina大住個肚上清談節目,講到高齡產婦辛酸史時,有觀眾發言話「你已經生咗個B係有唐氏綜合症,係咪想連呢胎都有?」。

嘩,簡直直插Evelina死穴,佢想打斷對方發言但唔成功,於是走上觀眾席企正喺呢位觀眾前面,同對方講「我企喺你面前,講啦」。點知觀眾未開口,就俾Evelina一巴車埋去!!!

啖氣仲未消,Evelina再加多句「鬧我唔緊要,唔係扯埋我小朋友嗰疊」。   呢位女觀眾仲可以笑笑口同其他嘉賓拗落去,不過在場嘅醫生同觀眾都撐Evelina。

女觀眾嘅立場啱唔啱都好,起碼佢真係有嗰句講嗰句;同樣,Evelina一巴車埋去,「打人一定唔啱」呢啲邊個唔知,佢又真係夠膽喺鏡頭前面咁做(係咪夾定就冇人知啦),完全冇以日後前途、名譽作考慮。呢2個女人嘅直接同勇氣,證明俄羅斯人真係「好打得」!原post傳送門