髮型屋報稱因遊行搵少10萬 網民出呢招嚇到刪post

星期日103萬人遊行,港島唔少道路被人潮佔據幾個鐘。   天氣咁熱,賣飲品同做食肆,可能因為遊行而賺多咗。亦都有商戶聲稱,因為遊行而影響收入。   有2間髮型屋就喺facebook出post,表示因為遊行期間,「有人阻塞大廈門口」影響生意。其中一間聲稱損失5-10萬,另一間就話唔見3-8萬。

咦,乜原來髮型屋一個星期日可以搵咁多?     Anyway,條數合唔合理唔緊要,有網民出咗一招,嚇到post主即刻刪post︰

就係用呢條數嘅資料,推算髮型屋淨係做星期日嘅生意,都有超過900萬營業額。網友用個post嘅資料send去稅局,希望幫店主申請減稅。   正所謂「大話怕計數」,一於請數口最精嘅稅局幫手,睇吓可唔可以利民紓困啦。