魔童誤會老竇喪轉工搞到要見家長?!

東方日報
魔童誤會老竇喪轉工搞到要見家長?!
魔童誤會老竇喪轉工搞到要見家長?!

【東方日報專訊】袁詠儀(靚靚)接受鄭紹康主持的有線奇妙電視節目《天下第一Friend》訪問,她自爆與老公張智霖(Chilam)近年才告訴囝囝張慕童(魔童)二人的職業是演員:「因為有次校長打畀Chilam要求見面,話我哋呢個家庭好有問題。原來魔童話畀校長聽,爸爸之前做警察,最近就賣壽司,所以我哋先同學校講清楚,我哋係演員。而魔童知道我哋係演員後,只係問點解唔帶埋佢行紅地氈!」

「怪獸家長」當頭棒喝

問到魔童可有遺傳父母的演藝天分?靚靚斬釘截鐵指魔童的戲「好屎」,更坦言不想他入娛樂圈:「因為佢有我同Chilam呢對父母,入行嘅話肯定比其他人辛苦百倍!」她笑指魔童不只有梁朝偉斯文靚仔的外表,還有周星馳的風趣幽默性格,將來一定吸引女生。靚靚又自認曾是「怪獸家長」,把囝囝的時間表排得密密麻麻:「老師問魔童平時做啲咩,我好勁咁數晒佢星期一至五有咩堂要上,跟住老師問『咁佢玩嘅時間呢?』,我聽到呢句說話,就好似畀大盆冰水照頭淋。」

自誇天生有戲

此外,靚靚坦言當年自覺靚才參加港姐,但入行後見到朱玲玲和李美鳳靚到不得了,就暗下決心要改戲路。她又自認當年年少氣盛,成為雙料冠軍後更加恃才傲物:「我最錯就係同記者投訴,咁大間公司點容得下我胡言亂語!」問到有否被「照肺」?她笑言:「係直接入肉!」事後被投閒置散主持音樂節目,靚靚坦言意興闌珊,幸好柯受良當時找她拍第一部電影,不久更摘下新人獎,她得戚地表示演技是天生的。

文:影視組

 

是日精選

celine賽前出-術-
自嘲理財無心得-袁文傑考慮結婚-買樓最實際-
獲蕭定-打本-奉旨-獵男-欣宜開公司-自己做-姐-
湯洛雯恨做歌星苦練歌喉-
金剛窮到燶借錢度日-
陳秋霞切乳抗癌不准流-滴淚-
李彩華預告性感開騷歡迎男友踩場
愛情點保鮮-吳千語-冇o架啦-李玟最冧老公送花
張國榮61歲冥壽唐鶴德悼至愛-

其他內容