魯振順驚爆婚訊 補身博生B

東方日報
·3 分鐘文章
人逢喜事精神爽,魯振順昨日春風滿面。
人逢喜事精神爽,魯振順昨日春風滿面。

多年來性向成疑的魯振順,昨日突然傳來婚訊,將於明年迎娶拍拖近一年的女友!他受訪時笑稱對方還他一個清白:「佢話要幫我爭番口氣,唔好成日話我係Gay!」迎來人生新一頁的他昨日購買保健品調理身體,期望有機會做爸爸!

62歲的魯振順多年來甚少提及感情事,亦不見有女友,令不少人懷疑其性取向,這個謎團終於解開!他日前接受范振鋒主持的電台節目訪問時自爆婚訊,指去年夏天與任職保險的女友Juli相戀,對方較他年輕6歲,而這段「黃昏戀」原來早於41年前已萌芽。

他透露當年與女友因參加歌唱比賽而認識,之後一直沒聯絡,直至獲高人改名為「釋禧」後,就重遇對方:「2017年阿媽走咗,佢叫我好好活下去,點知冇耐女友就出現。佢呢幾年都有留意我嘅訪問,覺得我好慘,之後媽咪走咗,佢就透過梁競徽媽咪攞我電話,然後搵我。佢廚藝好好,仲整過餃子我食,我食一啖已經喊,因為有媽咪嘅味道,連佢都話可能係阿媽派佢嚟陪我。」

朱晨麗楊茜堯等收帖

他坦言一直渴望組織家庭,而婚禮會交由女友負責,預計明年年底、待疫情完結後就行禮,又笑說:「女友成日話要幫我爭番口氣,唔好成日都話我係Gay!」其實他曾在訪問中透露當年29歲曾向拍拖7年的女友求婚遭拒,分手後前度更自爆曾為他兩度墮胎,令他大受打擊,加上事業不順,曾割脈自殺。

即將娶老婆的他昨日買保健產品,透露左心房血管有阻塞:「有睇醫生,食緊薄血藥、胃藥同前列腺藥,希望調養好身體。(想生BB?)我好喜歡小朋友,但我同女友嘅年紀好渺茫,女友諗緊領養,但一切隨緣,可能上天會賜畀我哋呢!我哋相隔41年都可以喺埋一齊,好多嘢好難講。(你點樣求婚?)冇,好多嘢心領神會,不過之後會做番嘅!」提到在愚人節公開婚訊,他笑說:「我10幾日前同范振鋒佢哋做訪問,咁啱4月1號宣傳,所以唔少人有誤會。」

魯振順突爆婚訊,不少合作過的藝人都替他高興,當中曾合作劇集《多功能老婆》的朱晨麗說:「當然要恭喜佢啦!佢係一個好Sweet、好開心嘅人,另一半同佢一定係日日都開心到飛起!」楊茜堯亦為他找到另一半開心,提到不少人以為他是同性戀,她表示:「身為朋友送上祝福就夠,其他任何嘢唔需要去猜測,希望佢結婚我哋能夠參加就好喇!」

至於范振鋒則表示知道對方結婚一刻很震撼:「聽到都打個突!」

魯振順讚女友Juli溫柔體貼。
魯振順讚女友Juli溫柔體貼。
魯振順與女友早結良緣,大方分享舊合照。
魯振順與女友早結良緣,大方分享舊合照。