麥大力做主角撻Q 龔嘉欣錯失筍盤

·3 分鐘文章
麥大力儲落一大筆儲備金,放心在娛圈追夢,毋須擔心生活問題。
麥大力儲落一大筆儲備金,放心在娛圈追夢,毋須擔心生活問題。

無綫《衝上雲霄大選》冠軍麥大力自去年出道後備受重視,雖然人工由做機師月薪20萬元急降至約2萬元,但慶幸一直慳家,身家早已過千萬,他在英國更有3幢物業揸手,絕對是城中筍盤!原本無綫計劃開拍航空題材的劇集捧他做男主角,與龔嘉欣演一對,但可惜疫情之下難找贊助,計劃被迫煞停,令2人未能結劇緣!

曾經視飛機師為終身職業的麥大力(Derek),沒想過去年受疫情影響成為被裁對象,頓時加入失業大軍,失意之際參與《衝上雲霄大選》,憑靚仔外表加上「半唐番」口音,成功俘虜一眾評審,以大熱姿態奪冠。

由機長搖身一變成為公仔箱新丁,雖然提升了知名度,但薪酬與以往有10倍差別。他參選時自爆做機師月薪20萬元,加入無綫後月薪則約2萬元,慶幸他善於理財,於英國生活多年已擁有3間屋,保守估計身家逾千萬,難怪月薪「今非昔比」,生活也絕不成問題。

幫哥哥畀百萬學費

日前他接受本報專訪,透露自小於幸福家庭長大,故長大後凡事以家人為先:「將最貴最靚地區嗰間畀父母住,另外嗰啲租畀人,租金用嚟供樓。」除了愛錫父母,他對年長3歲的哥哥亦非常照顧,為圓哥哥的機師夢,早前豪氣為對方付過百萬元學費:「之前我搵錢多過哥哥,所以贊助佢讀一年Airline Pilot Training,依家佢係副機長,我好開心。哥哥想工作儲錢,我唔使佢還,因為細個時佢好錫我,所以我有能力就要支持佢。」

雖然對家人出手闊綽,但Derek自認非常慳家、生活貼地:「夠用就得,喺香港自給自足,使費用喺畀租同食嘢,當年第一份機師人工係3.2萬,我都係抽部分嚟用,咁多年都係以呢個準則用錢,所以先儲到錢買樓,唔好咁大使就OK。依家人工係Cover唔到,但有幾年儲備金。」回想過去10年的機師生涯,他不諱言想繼續飛,但轉型藝人半年已逐漸適應,或許將來可以揸私人飛機享受人生。

搵啱對象即拍拖

年輕、有錢又靚仔,Derek絕對是鑽石筍盤,理應異性緣旺盛,不過原來已一年沒拍拖:「哥哥都有自己家庭,我都想成家立室,媽咪催我快啲生個孫畀佢,所以搵啱對象都會拍拖。(擇偶條件高?)識煮嘢食同睇住我,當然要同父母啱Key,返到屋企有家嘅感覺就OK!」

原本無綫安排《衝》的得獎者拍攝有關航空題材劇集,男主角當然是Derek。由於他比賽時與龔嘉欣重演《香港愛情故事》短劇默契十足,連《香》劇男主角羅天宇都「呷醋」,爆嘉欣與Derek談情時更開心,故無綫有意撮合2人合作新劇。不過,由於航空業現時相當困難,無綫很難找贊助,故拍攝計劃暫時擱置!對於未能與Derek合作,龔嘉欣說:「我唔清楚,不過公司每年開咁多劇集,總有機會可以同佢合作。(覺得佢點?)之前同佢喺節目合作過,知道佢有好多興趣,同埋好有才華。」

龔嘉欣指無綫每年開拍不少劇集,總有機會跟Derek合作。
龔嘉欣指無綫每年開拍不少劇集,總有機會跟Derek合作。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能