麥大力留後路唔放棄做機師

靚仔混血兒機師麥大力前晚成為《衝上雲霄大選》冠軍，獲得試鏡機會的他表示有意成為藝人，但問到會否放棄月薪20萬的機師工作時，他則有所保留說「Never say never」，為自己留後路。

無綫舉辦的《衝上雲霄大選》前晚圓滿結束，賽果塵埃落定，由深得不少女藝人歡心的混血兒機師麥大力奪冠，贏得10萬元獎金及試鏡機會。他受訪時坦言對得獎感驚訝，問到有何優勝之處？他謙稱：「我都唔知，個個都好有才能，佢哋又高又大隻。」並感謝無綫及參賽者的支持，揚言會請所有參賽者食飯慶祝：「當然係我請，食乜都得。」續指比賽過程很好玩，是很難得的經驗：「否則我唔會有機會喺咁多人面前演出。（你會做藝人？）我會。（唔做機師？）Never say never！」

盛勁為：好尊敬港姐

賽前大熱兼麥明詩緋聞男友盛勁為，對於屈居亞軍未有失望，並大讚麥大力：「佢咁靚仔，個樣擺喺度已經贏。（你輸啲乜？）輸在個樣同埋唔係混血兒囉。」又稱之前沒想過獲獎，以參加派對的心態比賽，但想不到賽前活動及訓練如此密集：「所以我好尊敬港姐，真係頂唔順。（麥明詩有冇同你講咁辛苦？）佢冇講。」雖然辛苦及壓力大，但他對幕前工作很有興趣，至於是否放棄做機師？他保守說：「真係唔知o架，將來嘅嘢。」

至於季軍陸煥恆及「才藝大獎」楊銘熙均表示有意從事幕前演出，楊銘熙自言沒有包袱，故臨場發揮較好，並獲同班同學朱智賢教路，叫他不用緊張。