麥明詩性感現身畫廊艷壓全場 網民：係自然流露的性感美

現年30歲嘅前「十優港姐」麥明詩（Louisa）雖然喺2019年離巢TVB後，鮮有幕前演出，不過佢依然會透過社交網站同網民互動，及偶爾出席品牌活動。離巢後嘅麥明詩除咗言論之外，甚至連衣著打扮都愈見大膽，噚日（23日）KOL渾水喺社交網站大晒一張麥明詩出席活動嘅性感照，睇到一眾網民心心眼。

喺噚日，KOL渾水喺社交網站上載一張麥明詩嘅照片，相中麥明詩明顯悉心打扮，妝容比平日濃，穿上黑色心口開窿服裝，露出波邊，非常性感。KOL渾水並留言話麥明詩係配合活動嘅泳池主題先至有咁嘅打扮：「恭喜麥明詩小姐 @louisa_mak 成功在 Para Site 競投 William Lim @williamlimcl3 的作品 她說 - 今次大會主題係 @chanl_apl_ap 的泳池，所以她的打扮是尊重大會 我冇咁大膽，我着晒成身藍色就算」。

唔少網民睇完麥明詩嘅性感照後，紛紛留言大讚「真人好靚喎」、「靚到核爆」、「舒適而不失莊重」、「好身材」、「出色既性感係唔會令人聯想到色情」及「講真，係自然流露的性感美，和賣弄身材的艷照無法比擬」等等，亦有網民配合近期世界盃主題搞笑留言話佢「讓半球」。不過亦有網民認為佢衣著過於性感，留言「佢件衫好似太過性感！」、「心機微波女」、「Wow, 使唔使咁cheap呀？」、「雖然我唔介意，不過係咪over咗呢？」、「洗吾洗著成咁⋯⋯」、「美貌才女，爲何暴露於人？何須賣肉求生，應該端莊示人。」及「感覺好cheap」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！