麥明詩贈「粗口」生日禮物 馮盈盈預告床照益網民

麥明詩馮盈盈兩位港姐冠軍,同樣出晒名夠貼地,不時言出驚人,網民like爆!話說本月10日係盈盈24歲生日,雖然正日已過,但麥明詩都貼心地補送禮物,份禮物仲極度切合盈盈的性格言行!

撰文:東方新地|圖片:Facebook

延伸閱讀:

謝安琪分享產後調理心得 以親身經驗鼓勵大家

【飛虎之潛行極戰】素顏拍劇上位 何佩瑜Jeana帶表妹自由行

馮盈盈24歲牛一

6月10日為馮盈盈24歲生日,除咗有醫生男友同佢甜蜜慶祝,一班《後生仔傾吓偈》主持都齊齊同佢切生日蛋糕~

麥明詩「9up」Tee贈盈盈

事隔十多日,麥明詩為盈盈送上遲來的生日禮物,竟然係一件印有「9up」字樣的t-shirt,令壽生女又驚又喜!盈盈仲自行解釋「9up」:「意思即係Line Up,叫大家Line Up For Me,啲兵多到Line Up到後面拎簽名同影相。」

麥明詩
麥明詩
麥明詩
麥明詩

盈盈預告益街坊

麥明詩仲爆盈盈會出招益街坊:「FYY以表謝意,話會『淨係』着住呢件T-shirt喺白雪雪嘅床上面影福利圖派畀大家。」小編都好期待!

同場加映:

馮盈盈再度語出驚人 節目中透露第一次約會有幾濕?!

馮盈盈久唔久就會貼地爆肚,中point之餘又夠哂抵死,都係節目《後生仔傾吓偈》大受觀眾歡迎嘅原因之一。早前馮盈盈就喺節目度講「人生的第一次」,仲話初戀約會就「濕晒」,結果就畀麥明詩醒目抽水!想知係點濕?一齊睇下喇!

馮盈盈心跳回憶之第一次約會

《後生仔傾吓偈》搵嚟貼地爆肚達人馮盈盈,高智慧抽水王麥明詩,同埋要幫佢兩個兜嘅陸浩,呢個3人組真係配合得天衣無縫!最近,節目講關於「人生的第一次」嘅話題,而出哂名嘅爆肚王馮盈盈就喺節目中再次爆肚,講返第一次約會嘅情況!

首先,馮盈盈就個話題搶先話自己記得當年第一次嘅約會,聽到咁,好奇心極重嘅陸浩就緊係追住嚟問佢問題啦!

結果,馮盈盈爆響口話自己初戀係19歲,之後開始講番自己首次約會嘅情況,提到當時約會嘅時候都仲未係男朋友。

馮盈盈第一次約會「濕晒」

馮盈盈可能回憶緊第一次初戀約會嘅回憶,愈講就愈緊張,愈嚟愈就口窒窒咁,仲話約會當晚就一齊咗,然後就拖手,話自己睇落表面好似好平靜咁,但實際內裹就好緊張,所以勁多手汗!

佢仲話:「到隻手啲汗已經滴緊落地下。點知要拖手喎,真係想死。」

馮盈盈話:「嗰陣已經係抹乾晒都繼續濕嘅程度,搞唔掂。」聽落咁都真係幾嚴重下。

濕完又乾,乾完又濕嘅馮盈盈,就繼續停唔到口咁繼續講落去自己對手有幾濕嘅情況。

麥明詩智慧抽水

聽到呢度,麥明詩終於忍唔住口要抽一抽佢水,講番句:「總之我聽到你係咁濕啦⋯⋯」

被麥明詩乘機抽咗一下水嘅馮盈盈就梗係唔尷尬啦,繼續講:「濕晒,個地下都濕埋,點知佢拖完就話好濕,我話係呀,我掂到男仔手就會緊張。但係嗰刻佢好浪漫,話唔緊要無問題我鍾意。」

麥明詩:「美女廚房,一定好爽」

早前一眾靚女包括麥明詩、陳凱琳、高海寧為新一輯《美女廚房》拍攝宣傳片,事後麥明詩喺社交網分享一張與陳凱琳、蔡思貝的合照,見到三人分別拎住茄子、雜莓以及菠蘿,笑到鬼咁甜,真係好期待佢哋喺節目展露廚藝!學麥明詩句留言話齋,「美女廚房,一定好爽」

馮盈盈玩性暗示?

呢個時候,麥明詩喺《#後生仔傾吓偈》的拍檔、另一位港姐冠軍馮盈盈又語出驚人,喺麥明詩張相留言「一定爽啦」,之後隔離要加條茄子同奸笑的Emoji,究竟…佢想講咩呢?小編雖然唔係好明白,不過就好多網民留言話盈盈玩性暗示,繼續貫徹佢大膽又貼地的作風~

馮盈盈
馮盈盈又嚟料!

茄子的疑惑

馮盈盈呢個神留言為佢帶來778個like,唔少網民都留言話「笑咗」,或者指盈盈講衰嘢,連陸浩明都有回應!究竟茄子有咩咁爽呢?咁就要問盈盈先知啦!

【世界盃】日本妹票選世界遺產級美男球星

可能正過冠軍? 歷屆8位索爆港姐亞軍一覽

延伸閱讀:

打機打出頭!謝東閔應邀去L.A.試玩《FIFA 19》