麥玲玲後生相被公開 網民大讚可愛又keep得好
堪輿學家麥玲玲早前喺內地節目批中內地女星鄭爽有桃花劫,獲得大量內地網民追捧。除咗佢嘅預測獲得高度關注之外,噚日連佢嘅外貌都得到香港網民讚賞。
噚日有網民將麥玲玲嘅一批後生靚相放上討論區,當中包括學生相、結婚相及生活照。唔少網民睇完都紛紛留言大讚佢保養得好好及好可愛,例如:「講真 算keep得好 幾廿年後都無乜點變」、「佢個樣係幾有福相嘅」及「好CUTE....可愛型」等等。另外,亦有網民話佢同陳奐仁撞樣。
淨係睇玲玲師傅個樣,唔知大家估佢幾多歲呢?其實過多幾日佢就55歲啦,睇落真係保養得唔錯呀!玲玲師傅喺接受傳媒訪問時就話好驚訝,因為被連登讚靚女係一件好高榮譽同埋好值得開心嘅事。之後,佢仲自嘲自己個樣好早熟,喺19/20歲試過被的士司機問佢有冇廿幾三十歲,當時個樣俾人老,反而令到依家個樣變化唔大。另外,佢就話自己唔係特別注重保養,只係好早瞓覺,加上佢唔食煙又唔飲酒。另外,佢仲講笑話如果自己瘦啲就仲靚啲。
按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!