麥當勞慳錢攻略！APP落單一技巧慳高達$21.5、小朋友可以拎免費雪糕？仲有APP限定每週優惠券
Yahoo著數專員實試麥當勞慳錢大法，手機APP落單可以慳錢？
不少人都喜歡食快餐，皆因平靚正，Yahoo著數專員發現網上熱傳麥當勞APP隱藏落單方法，1個技巧可慳高達$21.5！同時，麥當勞APP每周都有限定優惠券，早午套餐都有折扣優惠，不要錯過慳錢機會！還有，有網友實測分享小朋友可以拎免費雪糕，即睇麥當勞慳錢攻略！
APP落單次序不同 即可慳高達$21.5
網上熱傳麥當勞APP隱藏落單慳錢方法，以6件麥樂雞加4件脆香雞翼，配中薯條和飲品為例 ，在麥當勞APP有兩種叫法，如果選擇4件脆香雞翼套餐，配中薯條和飲品，再額外單點6件麥樂雞，APP價錢為$67.5，但如果先點6件麥樂雞套餐，配中薯條和飲品，再單點4件脆香雞翼，總額只是$56，兩者相差$11.5！
Yahoo著數專員再實試其他套餐優惠，發現魚柳飽套餐，配中薯條和飲品，再單點6件麥樂雞，總額為$64.5，反之選擇6件麥樂雞套餐，配中薯條和飲品，再用加配優惠買魚柳包，價錢只是$43，兩者價錢足足相差$21.5！如果下次想食平食麥當勞，不妨在麥當勞APP多撳幾次套餐和加配優惠，比較不同優惠組合價錢，随時可以再慳一餐飯錢！
每週麥當勞APP限定優惠券
除了可比較不同套餐和加配優惠外，麥當勞APP每週都有限定優惠券，包括早餐、套餐優惠、McCafé優惠等，今個星期有$1大可樂優惠券、$20 麥麥配下午茶優惠券、McCafé咖啡套票優惠，$100任選8杯指定咖啡等優惠，落order前記得用優惠券！
小朋友可以免費食麥當勞雪糕？
早前Yahoo Food亦有報道，有網民在社交平台發文分享，小朋友可以在麥當勞免費獲贈一杯迷你新地雪糕，而麥當勞官方在今年兒童節亦有舉辦「免費派麥記粉紅迷你Cone」活動，雖然活動優惠稱只限4月4日兒童節當天，但家長們亦可帶小朋友到麥當勞分店一試，可能會有驚喜！
更多著數文章：
