黃一山揭吳孟達三不做 證周星馳朱茵戲假情真

·2 分鐘文章
黃一山揭吳孟達三不做 證周星馳朱茵戲假情真
黃一山揭吳孟達三不做 證周星馳朱茵戲假情真

周星馳主演的電影《逃學威龍》系列,不單是港產片的經典,當年更有傳拍此戲時,跟女星朱茵戲假情真。有份參演《逃》的藝人黃一山,近日發布短片話當年,指當時剛在演藝學院畢業的朱茵,以新人姿態能主演《逃2》,並和女主角張敏看齊,非常幸運,更指當年對方開工時很有排場。

黃一山說:「我記得無綫派咗一個經理人部門嘅同事專門跟佢(朱茵),一見到我就話:『黃一山,呢個係我哋公司簽嘅新人,你快啲照顧吓佢啦!』」他笑言當時心想,自己零資格照顧對方,應該是周星馳才有資格,他說:「結果星爺真係好照顧佢,後尾仲做咗男、女朋友!」

結果佢哋仲做埋男女朋友。
結果佢哋仲做埋男女朋友。

另外,黃一山也有提到早前逝世的資深演員吳孟達,指對方在2014年因心臟問題而要停工數年,不能日以繼夜的拍戲。當時黃一山問吳孟達,為何不接登台騷或代言這類工時較短的工作,以幫補生計,吳孟達說有「三不做」,所以在2014年至2017年完全停工。

吳孟達當時同黃一山講:「我有三不做,我唔鍾意唱歌,唔少公司邀請我去唱,全部拒絕。第二,唔做任何房地產嘅廣告代言或剪綵,好多老百姓可能因為我嘅名氣而去買樓,但如果遇到不良發展商或樓盤爛尾,老百姓冇晒畢生積蓄,就會覺得好對唔住佢哋,我唔想賺呢啲黑心錢。第三,唔做藥業廣告,唔知藥廠係咪有良心,唔想病人因為我而唔睇醫生,延誤病情。」

吳孟達親口同黃一山講:「我唔想賺呢啲黑心錢。」
吳孟達親口同黃一山講:「我唔想賺呢啲黑心錢。」