黃庭鋒首遇大停電 驚到搵阿媽 李佳芯被鬼壓 「自己」嚇自己

李佳芯與黃庭鋒為合作做主持的節目宣傳。
李佳芯與黃庭鋒為合作做主持的節目宣傳。

李佳芯昨日出席活動,貴為女神級的她自爆因夢見「自己」而喊驚。而其主持拍檔黃庭鋒居於天水圍,日前受大停電影響,要漏夜飛返「娘家」。

李佳芯(Ali)與黃庭鋒主持以探索夢境及心靈健康為主題的節目《夢中.情.人》,上月在myTV SUPER上架,Ali是不少宅男的夢中情人,她揚言感到榮幸,但卻自嘲如果被異性追求似乎是噩夢,相當搞笑。她說:「我試過夢到自己喺中環天空上面飛、畀喪屍追,又試過跌落樓。(發夢畀男仔追?)咁我諗呢個似噩夢多啲。」她自爆最近試過發夢「被鬼壓」,夢中看到一幅照片入面的女人望着她,令她動彈不得,她說:「我都唔知係真係被鬼壓定係夢境,瞓醒後諗番相中人係自己,因為有朋友幫我影咗張即影即有,我隨手放在床邊,原來自己驚咗自己!」Ali又稱夢境是近日做《好聲好戲》後才出現,但自覺不算太大壓力,覺得自己有進步空間。

陳蕊蕊被阿媽催婚

另外,家住天水圍的黃庭鋒日前受大停電影響,他說:「聽到有小朋友喊話驚有怪獸,我都驚,因為冇儲糧、冇電、冇水,等咗3個鐘,最後決定搬返媽咪屋企暫住。」經此一役,提醒了他以後要買定多點乾糧。而同場出席的還有節目嘉賓何天兒、陳蕊蕊等,她們即場參與「人生解答書」環節並提出自身問題,陳蕊蕊即問這兩年是否適合結婚,答案卻是「沒有結果」,她稱:「因為媽媽每次食飯都問我幾時嫁,我唔想家人失望,但自己又未Ready。」

陳蕊蕊晒腿現身,笑言經常被問「嫁」期。
陳蕊蕊晒腿現身,笑言經常被問「嫁」期。