黃德斌有興趣回巢:又唔係反面!

東方日報
·2 分鐘文章
黃德斌透露無綫有找他合作,但因檔期未能成事。
黃德斌透露無綫有找他合作,但因檔期未能成事。

型佬黃德斌今年「倒戈」拍攝ViuTV劇集,直言拍攝時間相對舒服,被問到將來會否回巢無綫拍劇,他說:「當然有興趣!搵我先算啦!」

2017年離開無綫後,黃德斌轉戰影圈並拍過令人留下印象的作品包括《逆流大叔》與《拆彈專家2》等,今年首度為ViuTV拍攝劇集《太平紋身店》,飾演退隱的江湖大佬,令他相當頭痛!皆因要黐鬍鬚扮霸氣,他笑言辛苦過演戲:「每日要黐住鬚10幾個鐘,黐到皮膚都損晒!」

型佬德斌一直被讚逆齡生長,今次要化上老妝,面對未來的自己,他笑說:「老都冇乜嘢!可能係經驗多啲,呢個係人生必經過程。我唔係依家先開始諗吓人生,經驗、歷史話畀你聽,做人唔好咁執着,依家比年輕時候會簡單啲,面對嘅事已經咁複雜,做番自己嘅時候希望可以簡單啲,咁會舒服啲。」

恨挑戰喜劇

講到兩台劇集的拍攝模式相比,德斌說:「今次好似電影咁拍,拍攝時間舒服啲,唔使外景接廠景。依家拍嘢都係咁啦,TVB劇都好似電影咁拍。」被問到回巢可有情意結?他坦言不擔心「倒戈」開罪無綫:「離開之後TVB都搵過我,問過我檔期,但係就傾唔成。咁我當然有興趣,做演員只係想做自由啲嘅嘢,冇話同TVB決裂、反面,搵我先算啦!咩公司、咩地方都冇所謂,反而會諗角色有冇得玩,合作係咪開心。」演過無數角色的他希望未來能演喜劇:「唔好成日咁辛苦、咁沉重、咁悲劇啦!」

《太平紋身店》的角色要黐鬚,令黃德斌最頭痛!
《太平紋身店》的角色要黐鬚,令黃德斌最頭痛!