黃心穎搲復出 樂易玲:唔係佢話想就想

東方日報
·1 分鐘文章

無綫高層樂易玲昨日出席馬浚偉的教育中心開幕禮,她上星期約了偷食人夫許志安的黃心穎食早餐,大爆對方提出回歸幕前的意向,但當日未有深入討論,因不想給對方太大壓力:「臨尾我都有問佢有咩打算,考慮留低定離開娛樂圈,佢話會返去認真諗吓,之後會再約佢,佢仲有啲人工未拎。」有傳心穎被8年長約綁死,她代為澄清:「當時佢係公司力捧嘅花旦之一,冇數過幾多年,但一定唔會少過嗰個數。(佢走要賠錢?)唔會。」問到若對方決定留低,公司會否給予機會?她說:「唔係佢話想就想,都要睇佢出嚟後,其他人會唔會接受,唔接受又冇理由行出嚟畀人講。」

而馬浚偉投資7位數「升呢」做教育藝術總監,他表示教育中心「強項」是提供演出機會,已跟樂易玲有共識,讓成績優異的學員去邵氏培訓。

【相關搜尋】黃心穎四姊妹