黃智雯浪漫舞曲 王敏奕賣萌

·1 分鐘文章
黃智雯(右)與王敏奕於劇中均愛上王浩信。
黃智雯(右)與王敏奕於劇中均愛上王浩信。

飾演拆彈專家的黃智雯與法醫人類學家的王敏奕於劇中乃好姊妹,不過一齊愛上人格解離的浩信,表面看似愛上同一個人,但其實與兩個不同性格的浩信談戀愛。智雯透露與男方的感情線非常浪漫,其中一場跳舞戲份,更特意找來導師編舞:「當初浩信知道有場跳舞戲好雀躍,雖然佢拍得好辛苦,但都抽時間去排舞,前後排咗兩星期。其實以往劇入面比較少用舞蹈方式去演一段感情,好想好好把握,見到出嚟效果都好鍾意。」

而敏奕表示劇中大部分演員角色都很Cool,故特別安排她演陽光氣及可愛角色,為故事起緩衝作用:「叫做苦中一點甜,今次首次同浩信、智雯合作,佢哋已經係好犀利嘅演員,但同我一樣對角色有追求,喺佢哋身上見證到,就算做咗演員幾耐都好,都要保持初心。」至於黎諾懿演重案組總督察,劇集初段同時與智雯及傅嘉莉有感情線,但兩女分別與浩信過電,關係複雜,他說:「同智雯本身地下情,最終佢揀邊個大家慢慢睇。今次角色係深層少少,亦正亦邪。」

黎諾懿的角色亦正亦邪。
黎諾懿的角色亦正亦邪。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能