黃芷晴送禮嘉許

芷晴昨日去睇Mikiki的新春兼情人節主題布置,提前感受節日氣氛。
芷晴昨日去睇Mikiki的新春兼情人節主題布置,提前感受節日氣氛。

藝人黃芷晴昨日現身商場活動,透露爸爸黃日華最近愛上行山兼減少吸煙,令她很開心。她自爆之前見爸爸咳嗽擔心不已,幸如今可以放下心頭大石。

黃芷晴昨日出席Mikiki舉行的「Pixar新春潮拜玩樂遊」新年裝飾及情人節推廣活動。提到情人節,單身的她坦言沒安排當日活動,多數會獨留在家,問到是否要陪爸爸?她笑說:「佢唔理我,最近愛上行山。(你唔一齊?)起唔到身,我多數夜晚先有靈感做嘢,爸爸就凌晨5點起身去行,我一齊應該會暈低。佢搵到個健康嗜好,我買咗對波鞋鼓勵佢!」又表示最開心是爸爸最近減少吸煙:「至少食少咗一半,我放心晒,前排佢咳我好擔心,可能有陰影。我上網睇咩事,自己嚇自己,本來想逼佢身體檢查,但依家OK啦!」

「慈父牌」蠟燭開高價

芷晴指爸爸有新嗜好,她可以安心籌備新年市集及製作蠟燭:「我有少少擔心疫情關係個市集開唔成,所以唔敢整太多。我有放上網賣,生意唔錯。(回本未?)暫時一半啦!(爸爸幫手整?)自由發揮,佢嘅蠟燭唔賣,送畀朋友。(如果賣爸爸嘅製成品,可以叫高啲價喎!)咁我要幫佢開個社交網。」她指導師笑爸爸這個學生很特別,覺得他做的事很「文青」,而父女下月就會獲頒相關證書。

爸爸的生活習慣愈來愈健康,芷晴就最放心!
爸爸的生活習慣愈來愈健康,芷晴就最放心!
情人節未有着落,Kawaii攬攬胡迪求安慰!
情人節未有着落,Kawaii攬攬胡迪求安慰!