【曾傳不和】黎姿佘詩曼驚喜合體 網民:回憶都回來了

·2 分鐘文章
黎姿 & 佘詩曼
黎姿 & 佘詩曼

黎姿和佘詩曼曾是無綫當家花旦,拍過唔少膾炙人口嘅劇集。佢哋曾合作拍攝《金枝慾孽》、《倚天屠龍記》及《火舞黃沙》,但有傳二人為爭獎而不和。黎姿喺2008年結婚及淡出娛樂圈,而佘詩曼亦離巢北上發展,雖然佢哋都離開無綫,但仍然保持好朋友關係。相隔多年,喺今日佢哋分別喺社交網站上載合照,隨即引來網民熱議。

黎姿喺社交網站留言話:「很久沒見面了! @charmaine_sheh跟我短聚,共渡愉快時光。期待著妳帶給大家更多精彩作品🥰 #金枝慾孽reunion #玉瑩 #爾淳 #計明鳯 #家春分 #火舞黃沙 #趙敏 #周芷若 #倚天屠龍記」而佘詩曼就留言話:「That friend who you may not see very often, but the moment you reconnect feels like yesterday! @gigilai_official #一樣咁靚 #好友相聚 #金枝慾孽 #還記得金枝慾孽的玉瑩小主和爾淳小主嗎」(朋友不是時常見面,但當大家聯繫時,感覺就好似昨日一樣)。佢哋難得合體,唔少網民都踴躍留言:「還記起趙敏和周芷若!」、「兩位女神 最近才再翻看回金枝玉葉 希望你們還有機會再合作演出新一部宮廷劇」、「點會唔記得 童年回憶」、「滿滿回憶啊」、「哇!回憶都回來了」、「看到你們倆同框我莫名激動」、「好驚喜喔!久別重逢的一幕」及「兩個都係天然靚」等等。

黎姿
黎姿
黎姿
黎姿
佘詩曼
佘詩曼
佘詩曼
佘詩曼

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!